[Eng/salwa]

المشاركة الأصلية كتبت بواسطة zing0 مجرد وجهه نظر: أنا مش إخوانى,و مع ذلك أديت صوتى للإخوان ضد شفيق, و طبعاً مؤيد للحكم الإسلامى (بس لما يكون إسلامى) و ضد الحكم العشوائى الغوغائى الفوضوى. (أنا بأنتقد الأداء و لا يهمنى الأشخاص). محمد مرسى فى خطابه الأول جعلنا نشعر بمعنى النهضة و الكرامة و .... و أبوابى مفتوحة للجميع بلا إستثناء, و بعد شوية : هنعمل مكتب للشكاوى, و بعد كده: إختفى و لم يعد يخاطب شعبه و دائماً يحاول السفر و المقابلات الدبلوماسية. يا ريس ... و إحنا؟ إحنا إللى مسئولين منك و هتتسأل يوم القيامة على القاصى و الدانى فينا, هتعمل فينا أيه؟ - سايبلكم هشام قنديل. - يا ريس مش عارف يدير حاجه فى البلد. رجل فى مكان خاطئ. - معلش إصبروا لحد مجلس الشعب. - يا ريس البلد بتغلى و مفيش فلوس و لا شغل و لا سكن. - معلش إصبروا لحد ما نعمل مصانع. - طيب البلطجية بقوا بيتحكموا فى حياتنا و فى الشرطة نفسها. - معلش إصبروا. - طيب فى ناس بتموت مش لاقيه علاج و ناس بتعمل حواجبها بمليارات, فين العداله؟ - معلش إصبروا. - طيب فى مبقاش فيه بنية تحتية , لا تعليم و لا صحه و لا ....؟ - معلش إصبروا البلد محتاجه وقت. - معلش إصبروا. - معلش إصبروا. مش برضه الصابرين بخير و الصبر مفتاح الفرج. مجرد سؤال: هو مشروع النهضة ده ممكن يتم خلال كام قرن؟ علشان بس أحسب أحفادى و لا أحفاد أحفادى إللى ممكن ينسوا كلمة (صبر) , و يبيعوا الحزام إللى أتقطع من كتر الشد. و الريس مكانش عامل حسابه أن خلال 4 سنين لو الناس مشافتش تقدم مش هيبقى موجود عالكرسى تانى أصلاً؟ و لا مكانش عارف إن البلد خربانه قبل ما يرشح نفسه؟ و إتفاجئ أن إحنا دبسناه فى بلد تانية غير إللى متفق عليها؟ - لو مكانش عارف أو حاسب من الأول يبقى .....

المشاركة الأصلية كتبت بواسطة zing0 يا جماعة إحنا بقينا بنتخانق مش بنفضفض أنا هأقول رأيى و بدون أى تعصب, علشان إحنا المفروض مصلحتنا واحده .... مصر أنا إتجاهى إسلامى, و أحب تطبيق الشريعه, و لست إخوانيا و لا غيره. بس حبيبنا النبى قال: إنصر أخاك ظالماً أو مظلوماً. >>> ظالماً بإنك ترده عن ظلمه و قال صلى الله عليه و سلم: كل إبن آدم خطاء و خير الخطائين التوابين, أو كما قال. يعنى واجب علينا النصيحه , و واجب عليهم يسمعونا و يراجعوا نفسهم. ========================= ============= 1- أقر و أعترف كما هو واضح , إن فيه مؤامرات و مشاكل كثيرة تدبر لإسقاط حكم الإخوان, و الإسلاميين بوجه عام. 2- أقر و أعترف بفشل الدكتور محمد مرسى على إدارة شئون البلاد, و ذلك - من وجهة نظرى - لأنه ردم على القديم و بدأ يبص لبعيد, بس كل إللى تحت رجليه هيكعبله و يكفيه على وشه (آسف فى التعبير) - يعنى كان فيه أولويات للثورة, تقريباً لم يتحقق منها سوى (الحريه الغير مسئوله), و لسه العدالة الإجتماعيه و العيش الكريم. و طبعاً محاكمات قتله الثوار. الدوله محتاجه خطط عاجله و خطط طويله المدى. 3- أقر و أعترف بإن السواد الإعظم لمن ينتمون لجماعة الإخوان المسلمين, تعودوا و نشأوا و تربوا على الطاعه العمياء لقرارات مكتب الإرشاد (لا تجادل و لا تناقش يا أخ على), و دايماً تفكيرهم قاصر أمام خبراء مكتب الإرشاد.>>> ده مش مشكله هما أحرار فى عقولهم, بس فرض آراؤهم على باقى الشعب مستحييييييييل. 4- الإعلام , و الداخليه, و القضاء على قمة هرم الفساد, و ينزل الهرم لحد الفساد فى البنيه التحتيه للدوله (زى التعليم و الصحه). 5- وجهة نظرى فى إسلوب د. مرسى فى الحكم: إستخدم اللين مع المحترم و الشده مع قليل الأدب. إنما كله طبطبه مش هينفع. البلد كلها هتبقى عكاشه و زند و ... 6- المعيار الأساسى لقياس كفاءة أى نظام حاكم هى الطبقة العامله (الكادحه الشقيانه), شوف مستوى المعيشه و الدعم و ..... كل ده بيوصل و لا مازال بيتسرق؟.... بيتسرق أكتر من الأول. ========================= ==== دى وجهة نظرى, لى حريه عرضها, و ليس واجباً علىّ إقناع أحد بها, و لا لأحد أن يحاول تغييرها بلا أدله موضوعيه .... موضوعيه = إللى ليك و إللى عليك.

السلام عليكم ورحمة الله وبركاته

فعلا عندك حق أخى الكريم
الموضوع إنقلب من فضفضة
الى أسلوب متدنى جدا من الحوار
بل اصبح اسلوب حوار سواقى الميكروباص أرقى و أعلى ادبا بل واكثر تحضرا
وبلغ عدم فهم غرضى فى الاول من عدم الرد عليه هو ان عيب وانا سيدة أرد
والاولى رجل يرد على رجل ولكن حتى المغزى لم يفهم واحرج أ/تامر
وان اللقب أثناء الحديث مع سيدة وتكبره سنا هو احترام لنفسه قبل شخصها
وليس معنى ذلك انها تزكية لشخصها فوق شخص رئيس الجمهورية فكلنا نقول
مبارك ومرسى وقنديل وغيرها من الاسماء عفويا وبدون القاب وبدون شك عندما نحدث احدهم شخصيا او نحادث بعضنا البعض لا نرفع الكلفة ولكن لا حياة لمن ينادى (لا فهم )
طبعا لم يشرفنى إقتباس كلامه للرد بالرغم اننى استخدمت ابسط حقوقى وهو طرده من موضوعى بأدب ولكن لم تفلح وهو من بدأ الاهانة للأستاذ /طارق ثم أ/تامر ثم لى ثم أ/سيلفر
بل والادهى من ذلك وبرغم كل الاهانات دى كلها لنا يدعى اننا نحن من بدءنا اهانته

ثم تستمر مداخلاته المهينة لنا بان القافلة تسير ونحن نعوى
وان اللى رأى اهانة سيدة ويدافع عنها مداهن وماسح جوخ و و و
ومشاركته موجوده أعلى مشاركة حضرتك
ثم انا مشمهندسة شئ فى منتهى الادب والزوق و الرقى بصراحة
يعنى قلت له حسبى الله ونعم الوكيل مش نافع
طلبت من رجال المنتدى الرد عليه أحرجهم وشتمهم ومش نافع
تدخلت لفض الشباك اللى مستمر فيه بأسلوب غير لائق بمنتدى محترم مش نافع
طردته من الموضوع خالص مش نافع




بصراحة انا لا أستطيع التدنى فى مستوى الكلام أكثر من كده
وكنت أتمنى حل الموضوع بدون شكوى للادارة المحترمة لعلمى بمشاغلها

بس ما فيش فائدة
ومضطرة أرفع الموضوع للادارة للحكم وتشوف مين غلطان



وأشكرك أ Zing0 على مداخلاتك المحترمة الهادفة الر اقية
وهو ده كان هدفى من الموضوع
إستعراض الرأى والرأى الآخر والفضفضة بتحضر ورقى
ولكن للأسف
تأتى الرياح بما لا تشتهى السفن