أشد الشفاط , العربيه تبطل
السلام عليكم
أنا بقالى 10 أيام بأحاول أضبط الكربراتير(هوا و بنزين) مع الإسبراتير
عاوز : أفضل سحب و صوت هادى للمكنه و عدم برجله و سرعه فوق الـ 100 طبعاً و بدون دخنه عادم بنزين (أسود).
(طبعاً معادله شبه مستحيله يدوياً)
قفلت مسمار الهوا فى الكربراتير لآخرة و رجعت فتحته 3 لفات
مسمار البنزين بأقفله لحد ما العربية تبطل و أرجع أفتحه لفه كامله (360 درجه)
الإسبراتير بأهوى المسمار و أحرك الوش شمال و يمين لحد أكثر نقطه فيها كهربا عاليه بس من غير متبرجل المكنه و من غير ما المكنه ترعش لما أبطل العربية بعد أى مشوار.
فى أى حاجه ثانى ممكن أستدل بيها؟
التقسيمه تقريباً مضبوطه لأن عملتها عند 2 ميكانيكية (راجعو على شغل بعض)
======================
- لما بأشد الشفاط العربية بتبطل خالص
- صوت العربية عالى (مش هادى)
- مفيش كهربا زياده للمكنه (المكنه مش بترعش لما بأبطل العربيه)
- بأشم ريحه بنزين لما بأعدى الـ 60
- لسه مجربتش أعدى الـ 100
عاوز أعرف الحاجات إللى ممكن أستخدمها كدليل و أنا بأضبط, يعنى أمتى الهوا يبقى زياده؟ و إزاى أعرف أن الهوا ناقص ؟ و البنزين كذلك؟ طيب أمتى أزود الكهربا من الإسبراتير و إمتى أعلّى السلانسية من الكربراتير؟
فى أصوات معينه مثلاً؟ أو أدله فى المكنه أو الشكمان؟
طيب لو الشكمان مسدود أعرف منين؟ (مجرد إحتمال)
منتظر رأيكم
==================
جزاكم الله عنا خيرا
__________________
|