[kj1]

«الأبنودي»: «التيار الإسلامي اللي كان بيقبض من أمن الدولة عاملي فيها ثوري»

قال الشاعر عبد الرحمن الأبنودي إن «الإسلاميين جعلوا الشباب متمردا على الدين»، وإن «التيار الإسلامي اللي كان بيقبض من أمن الدولة دلوقتي عاملي فيها ثوري».


وأضاف «الأبنودي»، في لقائه ببرنامج «جملة مفيدة» على قناة «إم بي سي مصر»، مساء الأربعاء، أن الشعب المصري غير ممثل في الصورة التي تقدمها جماعة الإخوان المسلمين، وأن «اللطمة... الشديدة التي تعرضنا لها ستجعلنا نعيد الثورة من جديد».

أوضح «الأبنودي»: «مضيت على حملة تمرد، والتمرد أحلى شيء، ولولا تمردنا ما وصل الإخوان للسلطة»، مضيفًا: «المجلس العسكري هو اللي جبلنا المصايب كلها وباعونا».

وتابع: «الإخوان بيصطادوا شباب الثورة زي اليمامة، واللي مابيقتلهوش بيتسجن زي أحمد دومة، الإخوان كان لازم يحكموا علشان الناس تعرفهم على حقيقتهم».

وأردف: «أنا مش بحكم وعملت إنجازات أكتر من الرئيس محمد مرسي، وأنا ليه هسيب فرصة للإخوان وأنا جربته بدل المرة عشرة وعارف أنه هيغدر بي».

وأكد أن جماعة الإخوان المسلمين لا ترى إلا نفسها بمصر، مضيفًا: «العالم كله يشهد انتزاع سيناء من مصر، والرئيس لا يستطيع دخول بورسعيد، الوطن كله معروض للبيع».