رد: سؤال اتحدى به جميع اعضاء مصر موتورز؟؟
فرق الجنيه اللى حضرتك بتدور عليه ناتج من تكرار اضافة ال 2 جنيه اللى الواد ضربهم فى جيبه
بمعنى ان حضرتك جمعت ال 2 + ال 25 ورجعت تانى جمعتهم على ال 27 يبقى ال 2 اصبحو 4
والفرق اصلا 5 جنيه ( التمن 30 - 25 ) يبقى الفرق فى الحالة دى عبارة عن 5 - 4 = 1 جنيه
وطبعا دى حسبة غلط لان تكرار ال 2 جنيه هو اللى اوجد فرق اصلا مش موجود
وعلى فكرة الفزورة دى كانت من احد اسئلة الاختبارات اللى كنت باعملها للمحاسبين المبتدئين تحت الاختبار لتعليمهم ازاى يكتشفو الفروق فى حالة تكرار القيود المحاسبية او اكتشاف بعض اخطاء الميزانية
ارجو ان اكون اوضحت الفكرة
تقبل مرورى
اخوك صلاح عبد النبى / محاسب ومراجع قانونى
__________________
عجبي علي العجب العجيب العجاب
لما الحقيقة تطل بعد احتجاب
و تروح و تحلا وفجأة تصبح مفيش
كمثل طراطيش بحر ياما خد و جاب
عجبى !!( صلاح جاهين )
|