رد: نصيحة فى شراء لاب توب
حضرتك علشان تشترى جهاز لاب توب او كمبيوتر عموما
تروح موول كبير متخصص زى سفنكس موول او كمبيوتر موول اللى فى شارع جامعة الدول العربية فى المهندسين مثلا
وتلف وتتفرج الاول فى محل واتنين وخمسة وتاخد بالك من نوع Mother board
و ال processor & vga card & RAM
وبرضه تشوف حضرتك محتاج الجهاز لأيه بالضبط يعنى ايه الغرض
هل للاستعمال الشخصى العادى وهل للعب ال games وهل للدراسة
وبالتالى حدد الامكانيات المطلوبة للجهاز حسب استخدامك
بمعنى لا داعى اشترى جهاز غااالى قوى ومواصفات عالية جدا للاستخدام المتواضع العادى
لان التكنولوجيا عموما بترخص كل ما ينزل الجديد اللى مواصفاته اعلى
يعنى مثلا ابنى دخل كلية computer science فلازم ومضطرة اشترى حاجة لا اغيرها مثلا الا بعد 4 سنوات مثلا وتفى احتياجات الدراسة واللعب ولا اعمل updating او اغير الجهاز بعد سنة واحدة
ولكن شوف استخدام حضرتك
هل محتاج جهاز بالبصمة ( يعنى زى كلمة سر كده لا يفتح الا ببصمة يدك ) اعتقد لأ
يبقى ليه أزود على نفسى 400 - 500 جنيه زيادة فى سعر الاب علشان خاصية زيادة مش محتاجها قوى
طبعا كل واحد له زوقه فى الشراء ويستحسن جهاز معين بشكل ومواصفات محددة
حدد طلباتك ولف وقارن واشترى المعقول المناسب لك لا غالى قوى بدون داعى ولا تعبان يتعبنى ولا يفى متطلباتى
وتكون بطاريته تستحمل تشتغل وقت طويل قبل اعادة الشحن
ويكون الجهاز لا يسخن وانا شغال
وال رامات 4 معقول
وال vga 1g معقول
فيه لاب توب من اول 2200 جنيه ومواصفاته كافية جدا
يبقى ليه اشترى غااالى قوى بدون داعى هيرخص بكره
ارجو اكون وضحت لك فكرتى
والله الموفق
__________________
اللهم ياجامع الناس ليوم لا ريب فيه اجمع على ضآلتى
سبحان الله وبحمده سبحان الله العظيم
|