رد: زميل جديد وعندى مشكلة مع 128
تسمحولى اتدخل بينكم
لان حصل لبس
حضرتك بتسال عن عمل زرجينة للعربية عشان الشاسية مفتوح او مقفول
والاخ العزيز ezzat2002mo بيتكلم عن الزرجينة اللى العفشجى بيفك بيها السوستة الامامية من المساعد
حضرتك هاتشترى جوز مساعدين امامى جداد بس شرط انهم يكونو زيت فقط وليس غاز+زيت والنوع يتوقف على المبلغ المرصود للاصلاح وعلى فكرة المساعدين الصينى كويسين مش وحشين
ولو بتسال على مكان تظبط فية زوايا
فى مركز اسمة درش للزوايا وصاحبة زميل معانا هنا انا بروحلة باستمرار بعربيات مختلفة وبصراحة مركز شغلة تمام اوى والجميل بقى انة عندة الزرجينة الهيدروليك اللى ممكن تبظطلك الزوايا
مكانة فى جسر السويس بعد لما تعدى جراج جسر السويس فى اتجاة مدينة السلام
هاتعمل تانى يو تيرن بعد المزلقان وتدخل الشارع اللى على ناصيتة مدرسة تعليم اساسى بعد بنزينة وطنية
ولما تعدى المزلقان تدخل شمال لغاية اخر الشارع هتلاقية على الشمال
__________________
يااااااااااااا رب
إرحمنا بقدرتك علينا
|