رد: إزاى آخد الهوا من الفرامل بنفسى؟
الطريقة بالتفصيل
------------------
هتشوف اى حد من اصحابك يقعد فى العربية ويحضر للفرامل ( يعنى يفضل يدوس عليها ورا بعض ) ولما يلاقى الفرامل نشفت وعليت تحت رجله يدوس بالجامد ويفضل دايس فرامل
انت هتكون قدام عند الفردة الشمال من نحية السواق طبعا عارف مكان وشكل مسمار الفرامل
وهو هيبقى ظاهر يعنى بس اكسر العجل للاخر علشان يبقى واضح ليك
مقاس المفتاح بتاعه 8 بس مش عارف كله واحد ولا بيختلف
فى الوقت الى صاحبك دايس على الفرامل انت هتقوم بفتح المسمار
هتلاقى زى نافورة من الزيت طلعت من المسمار وهتروح قافل المسمار تانى كل دة وصاحبك دايس فرامل
هتجرب انت الفرامل بعد ما تخلص لو لسة الفرامل واطية هتعمل كمان مرة
ومتكررش الموضوع اكتر من مرتين علشان الزيت
بعد ما تخلص هتحط زيت بدل الى وقع لو مش عايز تحط عادى الفرق مش هيبقى كتير
__________________
|