[zing0]

السلام عليكم
كنت من فترة حاسس إن الفرامل بقت كأنها سايبة عالآخر و طبعاً كنت خايف أزود السرعة لحد ما بقيت ماشى أقصى حاجه 40 كم /س
رحت على ميكانيكى (تنك و عامل فيها جراح) , من غير ميبص عليها قاللى روح لفرملجى يملاها و ...؟؟؟؟؟؟

طلعت على واحد تانى, نزل تحتها و بص شوية و بعدين قعد يقولى: كارك - دوس (على الفرامل)
و بعدين طلع و قالى كانت واخده هوا بس, قولتلوا يعنى مش محتاجه تتملى و تتغير و ؟؟؟؟؟؟؟؟ قالى لأ مش دلوقتى, لما تتنحل خالص بنغيرها.

طلعت أجرب , ماشاء الله, و لا الـ ABS
بعدها بيومين حسيت إنها بدأت تسيب ثانى و الدواسة هبطت.
مع العلم إن معدل الزيت مضبوط

طيب الهواء ده بيدخل منين؟
و هل طريقة سحبه (زى الميكانيكى ما عمل) سهله؟ يعنى ممكن أعملها بنفسى؟
أنا لاحظت أنها لم تأخذ وقت و لا محتاجه عدد كثير و لا شغلانه يعنى؟
منتظر ردودكم