[borio1704]

المشاركة الأصلية كتبت بواسطة prince alamir لا انا عايز افهم الحسبة دى وياترا يامحمد باشا الكلام ده بينطبق على كل العربيات او اقصد على الكرونة 3.27 و 2.73 ولا ايه عشان انا هيست من الكلام الكبير ده فارج توضيح الامر وشكرا .

مفيش علاقة بين التاكوميتر والكورونا... إنما العلاقة بتبقى بين التاكوميتر وعداد السرعة، وهنا يبقى للكورونا دور


ببساطة وبدون تعقيد

التاكوميتر بيقيس عدد لفات عمود الكرنك في الدقيقة ... بمعنى إنه بيقيس سرعة الدوران



عشان تحول دوران الموتور لحركة العربية.. لازم تمر على الأجزاء دي:
1- صندوق التروس Gear Box (يستلم الحركة من الموتور ويسلمها إلى الترس التفاضلي)
2- الترس التفاضلي (الكورونا) Deferential (يستلم من صندوق التروس ويسلمها إلى العجلات)
3- العجل والكاوتش (تستلم من الترس التفاضلي... وتسلمها للأرض)



وكل اللي فات ده له دور أساسي في ترجمة دوران الموتور إلى حركة، لإن كل واحد بيستلم الحركة من اللي قبله


وفي الآخر بنقيس سرعة العربية عن طريق عداد السرعة اللي بيبقى واخد كل اللي فات ده في اعتباره

ممكن ترجع حضرتك للمشاركة دي عشان فيها معلومات عن دور الكورونا في حساب السرعة
[URL="http://masrmotors.com/vb/showpost.php?p=737778"]http://masrmotors.com/vb/showpost.php?p=737778[/URL]

ولو تحب تسأل عن أي معلومة تانية أنا تحت أمرك



...