رد: ال128 و السفر
ياااااااااااااااااااااه موضوع حلو جدا فكرتني بعربيتي اللي مش ممكن هنساها واول عربيه اشترتها وندمت اني بعتها ال128 انا كانت معايا عربيه الله اكبر عليها كانت موديل 79 سافرت بيها اماكن كتير جدا ف شغلي ومع عيلتي بجد عمرها ماقصرت معايا غير مره واحده سخنت انما غير كده ما شاء الله عليها روحت بيها المنصور رايحا جاي ف نفس اليوم اسكندريه طوالي من غير ريست روحت بني سويف روحت كفر الشيخ ف حتت فيها ابعد من اسكندريه بمراحل رايح جاي علي القاهره بجد انا ندمت اني بعتها لانها عربيه محترمه مقصرتشي معايا وانا اول ما اشترتها كنت جايبها عشان اتعلم عليها والكل كان مخوفني منها جدا انها بتسخن ومش بتاعه مشواير تقيله ولا سفر انما بجد هي عربيه اعتماديه مليون ف الميه وبتستحمل اي حاجه بس اهم حاجه عشان العربيه تمشي معاك ف التمام تهتم بحاجتين دوره التبريد كل فتره تنضفها وتغير ميتها والكهربا بتاعتها وانساها بجد اللي يمسيكي بالخير ويبارك للي خدها
|