المشاركة الأصلية كتبت بواسطة tamerfathy82
معلش مع كامل احترامى للجميع بس هو الصينى زى الكورى طبعا لا ولا عمره هيبقو زى بعض انا كان معايا افيو قعدت معايا 5 سنين والله العظيم عمرى مشتاكيت منها فى اى حاجة ولا اى حاجة صغيرة حتى مع احترامى الكورى هيفضل افضل من الصينى مع انى معاكو ان الاسبيرانزا عربية محترمة بس برده صينى والاختلاف لا يفسد للود قضية وشكرا لكم جميعا
|
أتفق معك تماما فعلا الصينى أقل السيارات كفاءة و قيمة و تحملا يليه الكورى و الماليزى ثم اليابانى ثم الأمريكى و أعلى حاجة الأوروبي. كله بتمنه و فرق السعر بين كل فئة مش اعتباطي لكن هو جودة الخامات و الاعتمادية و الكماليات و الأساسيات و معاملات الأمان و و و و. الآسيويين شطار فى التقليد و التظبيط سواء يابانيين أو صينيين أو ماليزيين لكن عمرهم ما ابتكروا جديد مجرد تقليد و تحسين شكل و حركات لكن الأوروبي و ابن عمه الأمريكى شئ تانى خالص لأنهم منتجين و مخترعين للتكنولوجيا و تراكمات سنين طويلة من الاختراع و التطوير و الدراسات و الأبحاث و أنظر الي سيارة فيات 128 أو 127 ايطالية مشدودة صح شكلها ايه بعد 30 سنة من انتاجها و سيارة كورى أو ياباني بعد 10 سنين من انتاجها و حاول تشدها و شوف المنظر عامل ازاي. الأوروبي و الأمريكى له معايير ثابتة و واضحة و ما يشتغلش بزمتين لكن الأسيوى يشتغل بميت زمة يعنى مواصفات خليجي سعودى و اماراتى و كويتى و أردنى و مصري و أوروبي و أمريكى هيصة يعنى و ميت فئة للسيارة الواحدة. الخلاصة الكورى أفضل من الصينى لا شك أبدا يكفى أنه يباع في بلاد الخواجات المحترمين لكن الصينى لا لا لا لا لا لا و شكرا