اهلا بيكم يا احلي اعضاء انا من حوالي 3 شهور اشتريت نيو اكسنت اوتوماتيك مستعمله موديل 2011 كانت عامله 55 الف كيلو ودلوقتي وصلت 56 الف كيلو طبعا كتير نصحوني اني اغير السرفيس بتاعه العربيه كله سيور وفلاتر وزيت وكده امبارح اشتريت السيور والفلاتر وغيرت سرفيس العربية غيرت كل السيور وفلتر الهواء وفلتر البنزين وغيرت زيت الماتور وحطيته شيل 5000 كيلو بصراحه مرضتش اروح التوكيل حسيت هيبقي غالي قوي وانا الميزانية مزنقة الايام دي قوي المهم قلت اروح اغسل العربية بقي واغسل العفشة يلا بالمره يا عم وغسلتها فعلا كان الكلام ده علي الساعه 8 بليل ركنتها بعد الغسيل ورجعت لها تاني علي الساعه 12 بليل كده نيجي للمهم بقي .....
لسه بدور العربية وبجيب ال D لاقيت العربية اترجت جامد وكل لما باجي اغير الفتيس من ال D الي R او الي N والعكس يعني من اي غيار للتاني الاقي العربية بتترج كده وتمشي عادي اقف واغير الوضع الاقيها تترج برضه وقوه الرجه بتختلف الصراحه مره تترج جامد ومره رجه بسيطه قلت يمكن من الميه اللي اتعملت من تحت العربيه مكان الغسيل مشيت بيها شارع فيصل كله وروحت البيت تاني حاجه بقي سحب العربيه بقي زي الزفت جداااااااااااااااااا انا قبل ما اغير السيور والزيت والفلاتر كان سحبها كويس جدا يا دوب ادوس سنه علي دواسه البنزين الاقيها بتجري دلوقتي بدوس علي دواسه البنزين لحد النص كده والقي السرعه بتزيد واحده واحده وبسسسسسسسسسسس
انا مش عارف ايه اللي حصل ده هل الصنايعي عمل حاجه مش مظبوطه في العربية ولا ده طبيعي عشان مغير الزيت دي اول عربيه ليه وانا معنديش اي خبره في العربيات ياريت يا جماعه تفيدوني ضروري ايه سبب الرجه دي وليه السحب قل قوي كده ده اتقلي لما تغير السرفيس هتلاقي العربية فاقت لاقيت العكس خالص
وهل انا غلطت اني مودهاش التوكيل ولا ده طبيعي ان السحب يكون ضعيف في الاول اااااسف علي الرغي ده كله بس بجد انا متعكنن قوي بعد الصرف الي صرفته امبارح ده كله العربيه يبقي حالها كده ارجو الافاده يا وحوش عشان تعرفوني اعمل ايه