[zenadanet]

انا عربيتى موديل 2012 ليها سنه ونصف والحمد الله لم اشتكى من اى شئ وهى عاملة حوالى 12 الف كيلو وسحبها ممتاز والتكيف ممتاز واستهلاك بنزين ممتاز جدا خاصة انا اشترتها علشان السفر فقط "بسم الله ماشاء الله" انا بسافر بالعربية كل 3 شهور من اسيوط الى الاسكندرية على مرحلتين من اسيوط للقاهرة 400 كيلو حوالى 3 ساعات وبريح فى شقتى بالقاهرة ثم تانى يوم اسافر بها الى الاسكندرية 220 كيلو بأخذها فى ساعه ونصف وانا شايف انها موفرة فى المصاريف وخاصة لو معى الاسره لان مصاريف بنزين العربية فى السفر من اسيوط الى الاسكندرية رايح جاى 1200 كيلو بحوالى 300 جنية يبقى تقسمها على 5 افراد بالسائق يبقى موفره عن القطار او المواصلات عامه ....
اما العيوب هى عيوب الطريق وان شاء الله ربنا يسترها معى ومع الجميع لان اى حد معرض للمواقف الخطرة كمثال وانا ماشى فى فيصل عديت على زجاج الفردتين الاماميتين اتخرمت 40 خرم غيرتهم بحوالى 1000 جنية والحمد الله ربنا سترها ... ادعو لى ان الله يسترها ويستر الجميع