السلام عليكم يا شباب
بداية .. مش عايز الناس تتصدم في انى بقارن في عربيتين مفيش بينهم اى وجه اتفاق
عشان يكون فيه بينهم اى وجه مقارنه .. و انا عارف الكلام ده
لكنى في حيرة من امري بقالى ايام طويلة
مبدئيا خلال شهر اقدر اجمع مبلغ 60 الف جنيه و اشتري HYUNDAI I10
و مميزاتها بالنسبالي .. قطع غيار رخيصة متوفرة و لو دمرتها مش هصرف عليها كتير
و الميزة الاكبر و هي الميزة الحقيقية .. انى هركب عربية .. لانى هموت و اشتري عربية
على النقيض بقي ..
لو أنتظرت حتى شهر 2 المقبل .. سيكون معى مبلغ 130 الف جنيه لشراء
SEAT IBIZA 2010
مميزاتها انها عربية قوية جدا و لا غبار عليها غير انى بعشق اسبانيا و بالتالى
جميل ان يكون عندى سيارة أسبانية
عيوبها .. انا معرفش اي شيء عن التيبترونيك ..
لم تنزل 2010 مصر بعد و لم يتحدد سعرها
يقال ان قطع غيارها غير متوفرة و غالية جدا
و اخر عيب .. اننى سانتظر حتى شهر 2
فلو كنت مكانى .. هل تشتري I10 و تقضي بيها حياتك سنه او اتنين بعدين تغيرها
في مقابل انك تركب سيارة من الان و هى سيارة رخيصة الاستهلاك
ام تنتظر و تشتري سيارة محترمة مثل الابيزا 2010
علما بان سواقتي هادئة لكنى غير محترف .. بمشي بس على قدي
في انتظار أراء الخبراء