[حسام البورسعيدى]

المشاركة الأصلية كتبت بواسطة tham1010 متشكر على الشرح والوقت فى الكتابة....انا كنت عاوز اعمل حكاية الزق وتدوير العربية بس مش عرفت الطريقة. ممكن أسألك شوية اساله عن حكاية التدوير اولا عن طريق الكابل: انا اخلى العربيتين مش مدورين الماتور يعنى مطفية واوصل الموجب بالموجب والسالب بالسالب وبعدين أدور العربية الاولى اللى فيها البطارية كويسة واروح لعربيتى ادورة والعربية الثانية دايرة صح كدة الخطوات؟؟؟ ثانيا عن طريق الزق. أنا اخلى الكنتاكت مفتوح يعنى لما تكون لمبات الفرامل والزيت والبطارية منورين زى ما بيحصل فى كل العربيات قبل التدوير صح الوضع دة وبعدين الناس تزق ولما القى العربية مشيت شوية اروح منزل الدبرياج للاخر وواخد التانى بسرعة وسايب رجلى من الدبرياج مرة واحدة مش شوية شوية زى المعتاد ومفروض انى مش امسك مفتاح الكونتاكت خالص صح الترتيب دة..... الحقيقة مش عملت ولا طريقة من دول علشان كدة بسأل

كلامك مظبوط يا باشا .. بس فى ملحوظه .. لما تيجى توصل من عربية خليها دايره ووصل الكابل وهيا دايره وبعدين دور انت عربيتك (اللى بطاريتها نايمه)...

بالنسبه للزق مظبوط الكونتاكت اللى اللمبات فيه بتنور اللى قبل المارش على طول .. ممكن تجهز نفسك واثناء ما الناس بتزق تدوس دبرياج وتعشق تانى وتتفضل دايس دبرياج لغاية ما العربية تاخد سرعه تقوم دايس بنزين وسايب دبرياج فجاه العربية هتترج وهتدور باذن الله ..