رد: البطارية وسننها
بص يا باشا ... الموضوع ببساطة ( لو عندى قصور فى الشرح او الفهم .. ارجو التصحيح )
البطارية عاملة زى الخزان .... متخزن فيها كهرباء ... و انت بتحتاج الخزان ده فى بداية دوارة الموتور
و بعد ما الموتور يدور .... يقوم الدينامو بشحن الخزان ( البطارية ) و لما البطارية تتشحن بالكامل .. فيه حاجة اسمها كتاوت الشحن ... موجودة فى الدينامو.... بتوقف شحن البطارية
المهمة الاساسية للبطارية ... هى تقويم الموتور
علشان كدة .... كنا بنقول لحضرتك ... تروح بالعربية مشور ... و ده يخلى البطارية تشحن كويس ... لو فضلت محتفظة بالشحنة دى يومين او تلاتة تبقى البطارية كويسة ....
اما لو فضت شحنتها على طول و لم تحتفظ بالشحنة ... يبقى البطارية عمرها الافتراضى خلص و مش قابلة شحن من الدينامو
ايه موضوع دوارة العربية بالزق ؟؟!!
حضرتك بتحط المفتاح على وضع كونتاكت ( تشغيل ) و ده معناه ان حضرتك بتوصل كهرباء ( الى هى مش كفاية لآن البطارية نايمة ) للاسبريتير و منها للبوجيهات .... و ده اساسى .. و المفتاح يفضل فى الوضع ده لغاية لما تحب تطفى العربية
ايه وظيفة المارش ؟
و ظيفته انه يحرك البساتم .. و يعمل الانضغاط و يبدا يوزع الشرارة على البوجيهات
احنا بتستغنى عن المارش و نحرك الموتور عن طريق تحريك العجل ( الزق ) و بعدين نعشق العجل فى الموتور ( عن طريق الدبرياج ) ... يبقى احنا دورنا الموتور و عملنا الانضغاط و وزعنا الكهربا على البوجيهات
حضرتك بتحط المفتاح على وضع التشغيل ... تزق العربية لغاية لما تجرى شوية .... و بعدين تعشق التانى و تشيل رجلك من على الدبرياج ... و تدوس سنة بنزين صغيرة... العربية تترجرج شوية و تدور على طول
ان شاء الله ... الطريقة دى فيها مخاطر شوية على مجموعة الجر ... بيبقى عليها عزم مفاجى
العربيات الاوتوماتيك مينفعش تتزق ( و الله اعلم )
اما عن توصيل البطاريتين :-
اعتبر ان عندك خزان مليان ( البطارية الكويسة ) و خزان فاضى ( البطارية النايمة )
حضرتك بتوصل الطرف الموجب بالبطارية الكويسة بالطرف الموجب بالبطارية النايمة ...
و تدور العربية الكويسة ... علشان الدينامو بتاعها يبدا يشحن بطاريتها ... و بعد كدة توصل الطرف السلب بين البطاريتين ... كدة الدينامو الى شغال يشحن البطاريتين ...
تستنى عليها شوية ... و تحاول تشغل العربية التانية
انا مش عاوز ارغى اكتر من كدة علشان متزهقش .... انا اتلسعت من موضوع البطارية كتير .. علشان عربيتى تقيلة شوية و من الصعب انها تتزق
__________________
|