المشاركة الأصلية كتبت بواسطة hazem_khidr
بتفكرني بنكته بتقول ان الحكومه كانت عاوزه تخفف الزحمه من كوبري اكتوبر
المهم وقفوا ناس تحصل فلوس و برضه الزحمه موجوده و الناس طالعه نازله
راحوا مزودين الفلوس برضه الناس مغلوب علي امرها و محدش اعترض
فالحكومه قالت طلوع الكوبري بفلوس و لما تنزل كل واحد حيضرب علي قفاه
المهم لقوا زحمه و الناس واقفه و متعصبه
بيسألوهم في ايه؟؟
قالوا موقفين واحد بيضرب بس و احنا مستعجلين المفروض يوقفوا اتنين تلاته علشان يخلصوا بسرعه!!!!!!
مش عارف بقي الواحد يضحك ولا يزعل علي نكته زي دي رغم انها بتوصف حالتنا بالضبط  |
عارف برضه أنت عندك حق فى تناحة غريبة فى الشعب المصرى,يعنى مثلا الحكومة دلوقتى غلت أسعار البنزين عشان محدش يشتريه ويروح يشترى ال90 عشان يخفف الضغط لكن مفيش فايده