[sherifabden]

السلام عليك ورحمة الله وبركاته

وعليكم السلام ورحمة الله وبركاته

لو سمحتم يا شباب انا عندي استفسار بسيط كدا عن انواع عربيات معينة

ماشي اتفضل

يعني مثلاً اول حاجة عايز اعرف ايه الفرق بين البروتون جين 2 2013 المانيوال والاوبترا 2013 المانيوال بردو عشان العربيتين بنفس السعر تقريباً بس اللي لفت نظري ان العربية البروتون فيها نظام الفرامل الآمن اللي هو ABS وبالنسبة للاوبترا فمافيهاش النظام دا مع ان سعر الاوبترا حالياً 104 والبروتون 103

فعلا الاوبترا مفيهاش abs وكمان مفيهاش ايرباج

فياريت اعرف انهي نوع افضل من ناحية الامان

جين 2

والثبات .

جين 2 بس الاوبترا ثباتها كويس برضه مش وحش

والمتانة

الاتنين زي الفل

والصيانة امر مهم كمان

لا من حيث الصيانة الاوبترا افضل وقطع غيارها منتشرة اكتر وارخص

- وآخر حاجة عايز اعرف ايه الفرق بين كيا سول 2013 اوتوماتيك وبين شيفروليه كروز 2013 اوتوماتيك ؟؟

الماتور 1600 في العربيتين قوته في السول 130 حصان وفي الكروز 115 حصان لكن ماتور الكروز برقبة ماتور السول لانه ماتور الماني (نفس ماتور الاوبل استرا الجديدة)
الفتيس 6 غيارات اوتوماتيك ستيبترونيك في العربيتين
العلو عن الارض في صالح السول
الوسع مفيش فرق كبير
التصميم الخارجي والداخلي دي مسألة اذواق لكن انا شايف ان شكل الكروز داخليا وخارجيا افضل من السول

على فكرة انا اقصد كيا سول 2013 الاوتوماتيك بس اقل فئة اللي هي بـ 142 الف, ومقصدش التوب لاين

عايز افارق بينها وبين الشيفروليه كروز 2013 الاتوماتيك اللي هي الإليجانس اللي بـ 146 الف ومش التوب لاين بردو

بخصوص السول اول فئة دي اوبشنها
تكييف يدوي / ايرباج للسائق / جنوط سبور 16 / زجاج كهربائي / مرايات كهربائي / مقابض ابواب ومرايات بنفس لون السيارة / فوانيس شبورة امامية / سنتر لوك مع رموت كنترول / ايموبليزر / كمبيوتر رحلات / مالتي فانكشن / راديو CD MP3 + USB + AUX + IPod / مساحات خلفية / روف راك / حامل للاكواب / باور ستيرنج
ودا تقرير كنت عاملة عن الكيا سول لو حضرتك عايز تشوفه
http://masrmotors.com/vb/showthread.php?t=107481

اما الكروز : زجاج كهربائي ، مرايات كهربائية بنفس لون السيارة ، جيوب بالمقاعد الامامية , مقعد السائق قابل للضبط في 4 اتجاهات , مالتي فانكشن ، ايموبليزر ، تكييف يدوي ، مقابض ابواب بلون السيارة ، جنوط معدن 15 ، راديو CD

عايز اعرف ايه الفرق بينهم من ناحية الصيانة واسعار قطع الغيار وكدا

بصراحة الحتة دي مش عايز افتي فيها لكن ميزة السول ان ماتورها نفس ماتور الالنترا والنيوسيراتو علشان كدا في حاجات كتيرة مشتركة بين العربيتن زي الفلاتر والسيور
اما الكروز مش عايز افتي فيها

وايه رأيكم فيهم من ناحية الثبات

الكروز افضل وخصوصا انها اوطى من السول ودا هيديها افضلية في الثبات

القوة

عادي حضرتك لو اهتميت بالعربية هتبقا قوية وزي الفل معاك

والأمان

من حيث الامان لو قارنا اول فئة من الاتنين هنلاقي السول افضل لان فيها ايرباج للسواق على عكس الكروز اللي مفيهاش ايرباج غير في اعلى فئة

ومبروك مقدما