السلام عليكم, (من حوالي أسبوع أو أسبوعين كده واحد صاحبي خبطني من غير قصد خبطة بسيطة من قدام في الجنب مكان الرفرف والفانوس -مبانش حاجة لان أصلا الحتة ده متبهدلة خالص من حادثة صغيرة من قريب- بس بعدها بـخمس دقائق كده لقيت الفانوس اللي التخبط مشبر حاجة بسيطة من جوه, سألت صحابي اللي كانوا معايا لإن ده مش حاجة عادية قالولي لأ عادي مفيش حاجة), المهم دلوقتي كنت بدور عالنت لقيت إن الفانوس بيتصنع/بيتجمع في بيئة من غير رطوبة و إن مبيبقاش فيه هواء أو كده عشان مايشبرش و إن ديه حاجة غلط, إيه الحل للموضوع ده؟ فيه واحد كان كاتب إني اجيب سشوار أو حاجة كده و اسخنه فالرطوبة ديه تطلع و فيه حد قال الفانوس لازم يتغير مع العلم إنه مش حينفع -لأني لسة مغيره من فترة قريبة- فممكن حد يفيدني؟ هل الموضوع ده فيه خطر لو سبته شوية؟ و إيه انسب حل؟ وممكن يكون فيه حاجة اتكسرت من جوه بتسرب رطوبة من بعد الخبطة؟
شكرا مقدما..