افيدونى سريعا
السلام عليكم ورحمة الله وبركاته
لو سمحتوا يا جماعة انا عندى مشكلة مع التوكيل ومش عارف مين فينا اللى معاه حق
الموضوع باختصار ان عربيتى لسه موديل السنة 2013 ولقيتها بتحرق زيت
عملتلها صيانة ال5 الاف وال 10الاف عملتها بدرى عشان اغير زيت بسبب الموضوع ده
ومرتين غير الصيانة اروح بس عشان ازود زيت واستنى واشوف النتيجة وبرضه بتحرق
فالأخر وديتها بقالها اسبوع قالوا هيفكوا وش السلندر ويركبوا صبابات وجوان
وانا بصراحة صعبان عليا العربية تبقى زيرو ويحلوا الموتور
بعد ما وافقت وسيبتهم يشتغلوا رجعت قولت لا مش عايزها واغيرها بعربية تانية
ايه رأيكم فالكلام ده
انا بعت كمان من شوية شكوى للشركة الام فى فرنسا
ومحتار اعمل ايه لو عندكم ايميل اكيد لعنوان الشركة هناك ابعتوه عشان اتأكد من صحة اللى بعت عليه
وردوا عليا انتوا شايفين اكمل فانهى اتجاه انا محتار ولا عايز العربية تقف لانى شغال بيها ليموزين
ولا عايز الموتور يتحل واحس ان اضحك عليا فيها
فى انتظار ردودكم
سلاااام
|