[محمد العربى سيطره]

عربيتي دايو لانوس 2 موديل 2008
المشكلة بتتلخص في ان العربية كان بيحصلها توقف مفاجىء للمحرك .. ومقطوع عنها التيار الكهربائي يعني حتي مفيش كونتاكت .. روحت بيها لمركز خدمة ما بدون ذكر اسماء خدتها زق هه ؟؟ خدتها زق ... قاللي روح اقعدالقهوة نص ساعة وروحت لقيت العربية تمام التمام .. لما سألته قالي اني غيرت فيوز كان ضارب .. خلي بالكم ان اللانوس فيها علبتين فيوزات جوه صالون العربية تحت التابلوه واحدة تحت الرجل الشمال للسواق والتانية تحت الرجل اليمين للي جمب السواق ..
غير فيوز 30 أمبير من العلبة الشمال وقالي كده تمام وزي الفل .. وانا زي البرنس خدت العربية ومبسوط قوي ... هوبااااا بقه ايه تاني يوم ... حصلت نفس القصة
طبعا هنا انا غلطت غلطة ... كنت المفروض أسأله ايه اللي ضرب الفيوز .. مسألتوووووش قررت هنا انا اعرف الدنيا هنا فيها ايه ..
قلت لازم اتتبع سلك الضفيرة الواصل بالفيوز اللي ضرب وشلت فرش سروجي الأرضية تحت الكرسيين اللي قدام وهنا كانت المفاجأة ...
ان أصلا تقسيمة أسلاك الضفيرة راكبة غلط .. المفروض ليها مجاري معينة بتمشي فيها الأسلاك .. المصيبة ان السلك كان علي المسطح تحت مساند الرجلين فمعي الاحتكاك من الرجلين بعد سنة من شراء العربية زيرو .. السلك وصل أرضي وعمل قفلة ضرب الفيوز ... ده يعتبر عيب تقفيل مصري ... وانا حليته والحمد لله بتركيب سلك محمل للضفيرة بالكامل جوه الصالون وتثبيتها بالمكان المخصص لها (المجري في الأرضية)
وآسف طولت عليكوا