رد: كيا سيراتو 2009 ولا هوندا سيتي 2009
موضوع حضرتك شائك للغايه
الكوري عامه منتشر اكتر من الياباني
و السيتي مش منتشره عشان الناس بتقارنها بالسيفيك فطبعا السيفيك تكسب من حيث المحرك و الشكل
و لكن السيتي افضل من السيراتو كجوده الخامات و التصنيع و التكنولوجيا و الاعتماديه و الاداء
بس السيتي قطع غيارها مش متوافره و قطع غيار السيراتو متوافره
السيراتو 1600 سي سي و السيتي 1500 سي سي
بس برضه السيتي افضل من السيراتو في الجوانب السابق ذكرها و لكن السيراتو شكلها احلي
المختصر المفيد
السيتي = جوده خامات + جوده تصنيع + اداء + اعتماديه
العيوب : قطع غيار مش موجوده و غاليه و سعر اعاده بيع سيئ
السيراتو = شكل جميل + انتشار + قطع غيار متوافره + صيانه سهله
العيوب : اداء و اعتماديه و جوده خامات و تصنيع اقل من السيتي و قطع غيار غاليه
شوف اولويات حضرتك و بعدين قرر و لا تنسي صلاه الاستخاره
|