المشاركة الأصلية كتبت بواسطة drmohamedkhater
استاذى الفاضل . دى الطريقة اللى بنقدر نحافظ بيها على ممتلكاتنا فى ظل الانفلات الامنى .
لما تصحى سيادتك من النوم و تيجى تروح شغلك و متلاقيش عربيتك واقفة قدام البيت . موقفك هيكون ايه
جارنا نازل يصلى الفجر ملقاش العربية قدام بيته ساب الصلاة و راح يجرى فى الشوارع يدور على العربيه و عمل محضر فى القسم و بعد كدا دفع 8 الاف و 300 جنيه علشان ترجع .
لما تبقى الحكومة تأمن الناس و تحافظ على الامن و الامان . او على الاقل اللى اتسرق منه حاجة ترجعهاله من غير ما يدفع و ميقلوش ليه ادفع احسن وقتها هنبقى نشيل المواسير و نرجع حته الارض اللى اغتصبناها من الحكومة على كلام حضرتك . قولى على حل احافظ فيه على عربيتى . و ايه اسعار ايجارات الجراجات ولعت نار بسبب موضوع السرقه دى . اللى ايده فى الميه مش زى اللى ايده فى النار.
|
السلام عليكم
اخي العزيز يوجد طرق كثيره لتأمين السياره ولكن ما يحدث ان كل واحد بيأمن مكان لركن السياره زي ما يكون اشتري هذه القطعه من الشارع بحجة انه امام بيته وهذا خطأ لأن الشارع ملك للجميع وليس لأفراد بعينها ما دام لم يشتري او يؤجر هذا الجزء من الجهات المختصه
وتأمين السياره افضل من تأمين مكان الركن لأنك من الممكن تذهب لأي مكان بعيد عن هذا المكان الذي تعتقد انه مأمن فلابد من تأمين السياره وليس المكان ولا بد من اماطة الأذى عن الطريق
والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين
سبحان الله وبحمده سبحان الله العظيم ربي اغفر لي وتب علي إنك انت التواب الغفور
لا إله إلا أنت سبحانك إني كنت من الظالمين