السلام عليكم و رحمة الله و بركاته
كيفك يا اسطى حمدي ، ان شاء الله تكون بخير
النهاردة لما كلمتك من التشليح وجدت ماكينتين و مش عارف اختار انهو واحدة
روحت مصورهم و رفعتلك صورهم يمكن تقدر تساعدني من الصور
انا اصلا عربيتي موديل 99 بس مالاقتش نفس موديل السنة بس هما نفس الماكينة
الأولى : موديل 97 او 98 تقريبا ، السيارة ماشية على العداد 231 الف كيلو
و ديه صورها
الماكينة من شكل نضافتها اعتقد ان صاحبها منضف التراب اللي عليها او كان غاسلها قبل ما يجيبها التشليح
الماكينة الثانية : موديل 2000 ، السيارة ماشية على العداد 275 الف كيلو و كانت معدية فحص المرور من 10 شهور بس راحت التشليح بسبب حادثة
و ديه صورها
ديه بقى ملاحظ فيها ان فيه بقع زيت جنب فتحة الزيت من فوق و كمان في مكان جنب الفتحة كده مش عارف بتاع ايه ، المهم بقى ان صاحب التشليح اداني رقم صاحب العربية اللي فيها الماكينة ديه علشان اتأكد منه و اتصلت بيه و قاللي انه عاملها عمرة كاملة من سنة و نصف و جايب قطع غيار اصلية فيها و انها لحد ما بعها تشليح كانت سليمة شغالة كويس
الماكينتين فيهم زيت و مش ناقص
ياريت اكون صورت كويس و يبان فيهم الحاجات المهمة
و اخيرا الف مليون شكر ليك و جعله الله في ميزان حسناتك