انا بعشق العربيه اللي بركبها و بحس ان فيه قصه حب بيني و بينها
و زي ما ابو ادهم بيقول بحس انها بتغمزلي و بتكلمني و بكلمها
العربيه اكتر صديق ليا بيشوف معايا ايام و ذكريات
و هيا الوحيده في اصحابي اللي بتروح البيت معايا بالليل!!!!
هيا اللي بتشاركني افراحي و احزاني كلها و لحظات الشقاء و الراحه
هيا اللي بسافر بيها و بتصور معاها و يوم ما بتتباع بيتبقي منها ذكري حلوه افتكرها بيها
هيا الانثي اللي ببص عليها من غير كسوف و احفظ كل سنتي فيها
تنيات التابلوه و شكل الزجاج و الزراير و طاره الدركسيوه حتي ابره العدادات و مقبض الفتيس !!!
انا بعشق عربيتي مش بحبها بس
