كان الله في عونك واعاننا جميعا على الصنايعيه وللعلم انا داخل في موضوع التكيف ده ولكني باخر الدخول فيه للخوف من التكلفه لان ال حصل معايا الصيف ال فات يخلي الواحد يكره الصنايعيه ال حصل معايا بالظبط ان اشتريت العربيه ورحت اكشف علي التكيف لقيته زي الفل والفريون موجود بس محتاج تغير بلف علشان ماكنش بيسقع وطبعا شحن جديد وقد كان بقي زي الفل ولكن للاسف حصل ان الفريون بيتسرب منين مش عارف رحت للصنايعي تاني عمل تشك ملقاش اي تسريب وهو بيطمن علي البلف لقاه ضرب زي الطلقه المهم تم تغيره وشحن الفريون وطبعا بدفع تكلفه جديده ومفيش اسبوع وحصل نفس المشكله المهم انه يضغط هوا في التكيف ونتركه ميسربش خالص ونشحن ونترك العربيه ربع ساعه شغاله زي الفل ودي كانت اخر مره الصيف ال فات والصنايعى قال لو تسرب الفريون تاني لازم اطلع دوره التكيف كلها بره ونكشف عليها وطبعا تسرب الفريون مره اخرىو و كان الصيف خلص وقلت ان شاء الله الصيف ال جاي وادي الصيف داخل ومش عارف اعمل ايه اسف للتطويل ولكن ان كان عندك نصيحه ارجوا افادتي بها قبل التكلفه ال جايه
