[وائل احمد السيد]

المشاركة الأصلية كتبت بواسطة Hisham.Elgazzar يوميها فتحت كبوتها لقيتها كلها من جوا لانوس موتور واجزاء كتيرة فى العفشة البودى والصالون وبعض الأجزاء المهمة فى العفشةهو دا الفرق وده من وجهة نظرى انما وقت الشرا بقى هات اللانوس ووفر فرق السعر فى جيبك الإتنين ميكانيكا واحد ونتا أولى بفرق السعر تجيب كسوة صالون وترخص وباقى التحابيش اللى بتتعمل اول ما بتجيب عربية جديدة ومبروك مقدما

الكلام دة مظبوط 100 % ولكن اعتقد ان الافيو عالية عن الارض شوية عن الانوس
ودى مريحانى اوى فى المطبات الجميلة اللى على كل شكل ولون والله انا بركب العربية ومعايا المدام واربع اولاد منهم 3 ماشاء الله وبكون ماشى واعدى من المطبات عادى جدا ويكون اى عربية جنبى تاخد المطب بجنب العربية علشان المطب ما يحكش فى نص العربية
عموما شاورى نفسك كتير لحد ما تكونى متاكدة من اختيارك للعربية بنسبة 100%
لو 99% متجبيهاش علشان متكونيش قلقانة بعد كدة
عموما العربيات عبارة عن شوية حديد مترتبة ومتربطة بطريقة معينة والطرق العظيمة بتاعتنا ما بتخليش حاجة تعيش ابدا لازم ايد الواحد تكون فى العربية ويعتنى بيها من اول ما يشتريها
تحياتى