اخى الفاضل هناك اسباب كثيرة للصوت العالى للماتور
1-الشكمان عاوز يتربط كويس من عند نهاية الفرن او لوجود تسريب من عند الفلنشة
2- بوجية غير سليم او وصلة بوجية غير سليمة بتخلى العربية صوتها عالى وتاكل بنزين كثير ومبتسحبش ذى الاول الميكانيكية بيسموها "العربية متلته" اى انها شغاله على 3 بوجيهات بدل من 4
3- ضبط التكيهات ولاحظ ان تكيهات ال 128 عبارة عن صاجات فلازم واحد متخصص تكيهات يظبتهالك ذى الراجل اللى مشهور اوبتاع شبرا
4-قاعدة الماتور مش مظبوطة الماتور مش متسقط كويس بمعنى اصح ودية بتعمل رجه فى العربية وصوت عالى
5- تغير الزيت وفلتر الزيت فى ميعاده ده بياثر على صوت المكنة طبعا
6-طرمبة المياه والدينمو يكونوا عاوزين يتشحموا وسير الدينمو والطرمبة يتشد كويس
دية كل اسباب زيادة صوت العربية بصورة غير طبيعية اتمنى انى اكون اقدرت اساعد ولو بعلومة بسيطة وبالتوفيق انشاء الله