محتار بين رينو سانديرو أو كيا بيكانتو أو هيونداى آى 10
بسم الله الرحمن الرحيم,
السلام عليكم,
أنا بأدور لزوجتى على عربية بين 80 الف و100 الف. هى كان أساسى عندها إنها تكون هاتشباك وأوتوماتيك وحجم مش كبير أوى.
بعد البحث حددت الخيار بين التلاتة دول:
* رينو سانديرو
* كيا بيكانتو
* هيونداى آى 10
أنا شخصيا ميال للسانديرو وزوجتى ميالة للتانيين علشان عايزة توفر قدر المستطاع.
بس أنا شايف الفرق بينهم فى السعر مش كبير أوى ومواصفات السانديرو متفوقة عنهم بكتير وخاصة فى السى سى.
وكمان حاسس التانيين غاليين شوية. الآى 10 مش عاجبانى اوى. البيكانتو كويسة بس 89 الف كتير عليها اوى وكمان 85 الف كتير على الهيونداى.
إن شاء الله ناويين العربية تقعد معاها فترة طويلة وبالتالى مش مهتم اوي بسعر البيع.
اكتر حاجة خايف منها أسعار الصيانة وقطع الغيار.
إيه رأيكم؟
حد عنده إقتراحات أو تفضيلات؟
طيب فيه عربية تانية غير التلاتة عدت على؟ (ما بين ال80 وال100, هاتشباك, أوتوماتيك ومش صينى)
أرجو المساعدة
وشكرا مقدما
محمد
|