[حسام البورسعيدى]

عادى يا باشا .. الموضوع مش صعب ..

يعنى بالنسبة للزيوت حسب نوع الزيت فى زيت بيقعد من 1000 الى 1500 كيلو وفى انواع 3000 وفى 5000 وفى 10000 زى ما تكرم احد الاعضاء قبلى وذكر ..

انصحك بزيوت شل عموما .. انا بستخدم احيانا شل الاحمر سعره حاجة وسبعين جنية والمفروض يقعد من 1000 الى 1500 بس انا بسيبه اكتر من كده ممكن اوصل بيه 3000 وبيكون لسه كويس ..
وعندك شل الاصفر وده زيت تخليقى (افضل من عادى) بيعقد معاك من 3000 الى 3500 (ممكن تزود شويه طبعا) وده سعره حوالى 115 جنية .. نصيحه ابعد عن زيوت موبيل وخصوصا فى الصيف .. افضل زيت فى مصر دلوقتى من وجهه نظرى هو شل عن تجربة مع اغلب الانواع وكمان هيونداى بتنصح بيه ...

بالنسبة للميه لو دورة التبريد مفيهاش عيوب الميه المفروض الميه متنقصش خالص (او تنقص فنجان مثلا كل شهر بفعل البخر) .. بس اتعود كل كام يوم الصبح قبل ما تدور تفتح الكبوت تقيس الزيت تطمن عليه وتبص على قربه الميه وتزود الميه لو نقيتها ناقصه بحيث تكون على علامة max .. وكمان تشيك على زيت الفرامل والدبرياج نظره خاطفة كده بالمره ..

بالنسبة للاوبشنز والزاراير وكده فطبعا الفيرنا مش محتاجة اى شرح .. تابلوها بسيط جدا ومفهوش اى حاجة غريبة يعنى مفيش فى الكونسول غير زرار الانتظار .. وزرار السخانات بتاعت الازاز اللى ورا وبس .. وتحت هتلاقى زراير التكييف .. وخلاص الموضوع على كده ..

توكل على الله ولو احتجت حاجة كلنا هنا معاك ..