بص ياباشا الموضوع مش ان العربية قليلة ولا حاجه .... الصنايعية التعبانين بس هم اللى مش بيعرفوا يحطوا ايديهم فى الحوض عشان ضيق لكن اللى عايز يشتغل وياكل عيش هايشتغل فيها عاجى جدا
بالنسبة لصيانة التكييف انا كنت روحت لواحد فى مدينة الطلبة فى امبابة لما كنت ناوى اضبط التكييف لكن ماحصلش نصيب والراجل ده انا روحت له عن طريق صديق ليا موثوق فى رأية والراجل بتاع المركز كان فى منتهى الذوق والاحترام وقالى على كل اللى عربية ممكن تحتاجة بالنسبة للتكيف
لو يلزمك اوصفلك لانى معرفش العنوان بالظبط ولا حتى تليفون...
تدخل موقف مدينة الطلبة من ناحية شارع السودان يبقى ضهرك لابراج لشرطة ووشك للموقف.. اخر الموقف جامع كبير .. تدخل يمين الجامع .. تلاقى شارع لافف من اليمين للشمال "الشارع مش دوغرى يعنى" فى الملف بتاع الشارع ده هتلاقى المركز اللى بقولك علية ... ان شاء الله تعرف توصل
وربنا يوفقك