[adham.com]

السلام عليكم ورحمة الله و بركاته

زيت الشنبر أو الأبرو
كلمة (ABRO) هي ماركة في منها كذا منتج لكذا غرض
المصطلح الللي بتكلم عنه دة إسمه (زيت شنبر) و دة في منه ماركات كتير و أحسنهم ماركة ABRO

المهم
سعر العلبة 13 جنيه (443 مل) في التوفيقية من عند (أمير نعيم)
أو ممكن تشتريه من أي مكان تاني حسب ظروفك
دي شكل العلبة عشان محدش يضحك عليك

الزيت دة انا بستعمله بقالي سنتين و حتي الأن بستعمله
انا موتور عربيتي خفيف ... يعني بياكل زيت ... أو بيحرق زيت ... و بيخرج دخان ابيض من الشكمان ... يوجد تسريب زيت
بمعني آخر الزيت بينقص بإستمرار و ببقي مضطر إني أزوده كل إسبوعين (نص كيلو)و يمكن أكتر

زيت الشنبر بينفع مع أغراض كتير منها الحالات دي
لأنه زيت عالي اللزوجة
و ذو كثافة كبيرة (ثقيل زي عسل النحل)
يتم إضافته مع الزيت الجديد (وقت التغيير) حيث يمنع التسرب أو الأحتراق أو خروج دخان ابيض أو حدوث نقص في منسوب الزيت

و بالأضافة لذلك انه بيخلي صوت الموتور ناعم و هاديء

و الغرض من إستخدامه (بناء علي تجربتي الشخصية) إني مش عايز أصلح العربية ديلوقتي خالص
لظروف مادية مثلا أو ضيق الوقت أو غيره أو غيره

بعض الأعضاء بتستخدم هذا المنتج مرة واحدة كل 4 أو 5 غيارات زيت مثلا (حسب وجهة نظر كل واحد)
و البعض يستخدمه بعد العمرة فقط
و البعض لا يستخدمه خالص
و البعض ممكن يقول إنه زيت مش كويس و مضر للعربية

أحترم جميع وجهات النظر (لأن كل واحد علي دراية أكثر بعربيته)
و الموضوع ما هو إلا تجارب شخصية و نتائج

لو حابب تجرب .... مفيش أي مانع و قولنا إيه النتائج معاك