[omnya]

المشاركة الأصلية كتبت بواسطة hazem_khidr اولا شكرا ليكي يا انسه امنيه علي موضوعك الشيق و الجرئ طبعا الاخوه قالوا كل اللي يتقال و كلام ابو نورا علي انماط الاولاد و البنات دا موجود و حقيقي و محدش يقدر ينكره. انا ححكي عن تجربتي في الموضوع دا كله انا كنت عايش في مصر عادي و اتخرجت و اشتغلت في شركه ادويه و الفتره دي كنت بحب واحده و يمكن فضلنا سوا يجي اربع سنين!!! المهم سافرت الامارات و نزلت اول اجازه و كنا لسه علي علاقه ببعض و ليا واحد قريبي بيعتبرني ابنه و اخوه الصغير و له الفضل عليا في حاجات كتير في حياتي يعني هو اللي مربيني من صغري وكتير لو وقعت في مشكله كنت باخد رأيه فيها المهم عرض عليا واحده قريبه مراته اخطبها و انا قولت لاء لاني كنت مرتبط بواحده و هيا اللي بتماطل اني اروح اكلم باباها. المهم انا سافرت تاني الامارات و انا هناك بدأت معاملتها تتغير و كده المهم انفصلنا و معدتش بكلمها و لما رجعت مصر نهائي بعد 3 سنين غربه و قرفان من اني عايش بعيد عن اهلي وبصراحه خايف لا قدر الله والدي يحصل له حاجه و انا بعيد فقررت اني اجي اقعد هنا في مصر و الحمد لله جيت و فتحت المصنع بتاعي و لقيت واحد صاحبي عاوز يشاركني توكلنا علي الله و الحمد لله ربنا وفقنا و كرمنا و فتحت المصنع في اقل من شهر من نزلي من الامارات و رجع قريبي يقولي علي قريبه زوجته و اني اتقدم لها خصوصا انه عارف ان عندي شقتي من ايام ما كنت في الكليه و انا شطبت فيها كتير ايام ما كنت في الامارات و كده و الحمد لله دخلي معقول يعني مافيش مشاكل المهم وافقت و شفتها و لقيتها انسانه مش بتتكلم قولت يمكن مش واخده عليا و طريقتها ناشفه قولت يمكن ما عرفتش حد في حياتها عادي المهم قرينا الفاتحه و اختها كانت مخطوبه قبل كده. حسيت ان مامتها عاوزه تطويني و تمشي كلمتها عليا زي ما هي عامله في بيتها و انا بصراحه مش بعرف ابقي كده و ابص لخطيبتي دي الاقيها تتعامل كويس مع خطيب اختها و تضحك و تهزر و معايا تتقفل؟؟!!!!!!!!! طب ليه طب لو مش موافقه من الاول وافقتي ليه؟؟ انا لا كنت بحبها ولا بتاع بس قولت اهي بنت ناس كويسين و اعرفهم و اهم حاجه تكون كويسه و خلاص رغم ان شكلها اساسا مكنش عاجبني ولا عاجب اهلي و قولت الجمال مش كل حاجه متهيألي مافيش حد بالمنظر دا .... ما علينا قولت بكره كل حاجه تتصلح بدأت في خلال اسبوعين بقي تبان عيوب بشعه فيها جبانه جدا و مش بتعرف تفكر و اختها الصغيره هيا اللي ممشياها و مالهاش كلمه ولا شخصيه بدأت اتخنق منها اوي خصوصا لما حسيت انها غبيه و انا مش بكره اد الغباء في حياتي لما بحاول انصحها ما تاخدش بكلامي و تعمل عكسه و في مره كنت عندها و خطيب اختها موجود اختها قاعده مع خطيبها و عماله تنده لدي و تقولها روحي اعملي كذاو هاتي كذا و مش عارف ايه طبعا اضايقت و نزلت و انا باين عليا اني زعلان هيا ما سألتش و انا ما سألتش كنت خلاص بقي جبت اخري خصوصا اني الاقيها غيرت نمره موبايلها و شويه تصرفات كده ظهرت وضحت حاجات غير اللي بتقولها المهم الموضوع راح لحاله و الحمد لله ما استمرش اكتر من 3 او 4 اسابيع بالكتير الكلام دا كان عندي 26 سنه مثلا ولا حاجه من يوميها كل يوم و التاني يزنوا عليا في البيت و انا قررت اني ما مش حتجوز بالطريقه دي تاني و خايف اللي حصل المره الاولي يحصل بعد كده و سايبها علي ربنا وعارف ان نصيبي حيجي حيجي ماليش حاجه اعملها غير بيتي و شغلي و المنتدي اللي بتابعه من البيت او الشغل و بالليل انزل اتفسح شويه و دمتم الواحد مش طالب حاجه كبيره بس طالب واحده مؤدبه و بنت ناس مش بمعني اغنيا لكن ناس الواحد يعرف يتعامل معاهم و يبقوا اهل ليا و لو حصل خلاف الاقي حد كبير اتكلم معاه بهدوء مش خناقات و بتاع زي ما الواحد بيشوف اليومين دول يعني الواحد عاوز ناس زي اهله كده و يظهر ان دا بقي مستحيل اليومين دول و الي اللقاء في مشاركه تانيه

ده الشكر ليك و الله دلوقتي يا استاذ حازم ده انت اللي فاجأتني و الله .

بس بعد اذنك هاقولك نصيحه يعني عشان انا شوفت كتير اصلي هي فعلا اجمل طريقه انك تتكعبل في حد ولا كان علي البال و لا علي الخاطر و تيجي الطوبه في المعطوبه زي مابيقولو و تتكل علي الله انا معاك ميه في الميه انما دي بقت تحصل مليون في الميه في للي في سنك و بتحصل مليون مره لسنك ايام ماكنت مرتبط .
للاسف الارتباط ده غالبا بيجي في فتره الكليه او ممكن بعدها بشويه يعد كده بيبقي صعب
و بعدين انت خايف تدخل بيت تاني يحصل اللي حصل قبل كده
ومش خايف تحب تاني يحصل برده اللي حصل
حاول تمسك العصايه من النص انا عن نفسي ما عنديش فرصه اتكعبل في حد فا مضطره استني واحد يجي يتفرج عليه و اتفرج عليه لعل و عسي كل واحد فينا يلاقي اللي هو عاوزه في التاني و يرتاحله و يحبه كمان ..ptmnlo123per1123:cry2W9 :يجي بقي عن طريق البيت عن طريق الغيط من مصر موتورز مثلا ههههههههههههههههههههههههه هههه مش فارقه المهم ربنا يوصلهولي بالسلامه