[Vanditta]

كان معايا متسوبيشى جالانت 1979 اشتريتها فى 2010
كان العداد بتاعها عامل حوالى 980 الف كيلو
يعنى كانت داخلة على المليون كيلو بعد 31 سنة اشغال شاقة

بس سبحان الله بعد العمر دة كلة والكيلوهات دى كلها كانت حالتها شاذة

1-الصاج كانت حالتة 100/100 بدون مبالغة (كانت راشة برة طبعا) بس دواخل واساسيات كانت ممتااااااااااازة ومافيهاش سنة بارومة ولا شرخ
2-الكهرباء نقول 70-80 فى المية
3-الموتور هوة اللى طلع ايمان اهلى وكان السبب فى بيعها
4-الفرش الداخلى الفبريكة كان بحالتة مش عارف ازاى سبحان الله وكان علية كسوة والتابلوة كان بحالتة برضو بس مشقق حاجات بسيطة اوى وفرش السقف والبيبان كان حالتهم 100/100 ولونهم بيج شيييك اوى
5- الكارونة كانت 100/100 والعفشة كانت عايزة شوية شغل بسيط
الطارة بتاعتها كانت كبيرة وكانت متحركة فوق وتحت فكنت بنزلها تحت خالص وكان وضع القيادة دة مع الدفع الخلفى بيحسسنى انى راكب عربية american muscles

دى صورتها للى مش عارف شكل الموديل دة ودة نفس لون اللى كانت معايا (عاجى)



حاليا معايا سويفت هاتش باك موديل 1992 عدادها اول ما اشتريتها فى 2011 كان عامل 9 الاف كيلو يعنى كسر زيرو
اتاري العداد بيقلب كل 100 الف
فماحدش يقدر يعرف العربية عاملة اد اية بالظبط
حاليا عامل حوالى 17 الف كيلو على العداد يعنى فاضلى 3 الاف واروح اعمل صيانة ال 20 الف