المشاركة الأصلية كتبت بواسطة mr_astra
نفسى اعرف اية اخبارك
بجد موضوعك يهمنى
لانى بالصدفة لقيت موضوعك فى منتدى تانى
وانا هاقتبس رد الاخوة الاعضاء هناك فى مشكلتك وطبعا مغاير لما قمت بعملة
يا ترى مين فينا اللى صح
بس الاول نشوف الردود
طمنى عليك
|
فى البداية بشكرك جدا على اهتمامك
وانا مدخلتش الايام الى فاتت لانى كنت متبهدل اخر بهدلة .. انا زقيت زق مزقتهوش فى حياتى
لحد لما ضهرى اتقطم ....
بعد لما اخدتها من الميكانيكى تانى يوم التنك فضى والبطارية فضيت لان اتارى الدينامو مكنش
بيشحنها لانى فاكك التابلوه وعلشان الدينامو يشتغل لازم اوصل العدادات .. المهم
جبت بنزين وظبطت الدينامو .. بس من ساعة ما خدت العربية من عند الميكانيكى
صوت الموتور مش عاجبنى خالص اتغير كمان لما التنك فضى وجيت مليته
العربية قعدت تبطل كل شوية لحد ما نضفت العوامة وبك البنزين
ودلوقتى برده وانا بدور الصبح لازم اقعد اكارك بنزين .. الاول كان من غير بنزين اصلا
فموضوع الموتور ده مضايقنى اوى .. كمان الميكانيكى بيشتم فى الحداد الى عمل العربية
وبيقولى الكبالن راكبة حشر والحداد بيقولى الاكس فيه خلوص صغير ومش هيزعلنا فى حاجة
وفكك من الميكانيكى ومفيش الحوار ده المهم خلصت القصة دى ورحت امبارح اظبط زوايا
لقيت العجلة اليمين ادام 1.5 والعجلة الشمال 1.75 يعنى فيها ربع درجة وافتكر ان الجنب
الشمال ده المساعد فيه رجلاش ومحدش رضى يقفله ب ورده زى ما قلت وبتاع الزوايا قالى
انا لغيت الرجلاش على الاخر بس فيها ربع درجة وده اخرها قلتله طب لو غيرت المساعد
قالى يروح يبقى العجلتين 1.5 كمان نوع الاسكترا بتاعتك بيركب عليها بيضتين دركسيون
مقاس واحد هوه مركب واحدة طويلة وواحدة قصيرة فهيفك البيضة اليمين ويقصرها على
مقاس الشمال بدل ما تجيب بيضة جديدة قلتله تمام وظبطلى زوايا ورا وقدام وسالته
على مقاسات الشاسيه بعد الشغل الى اتعمل قالى زى الفل ..
المهم النهاردة رحت للحداد واخدت معايا مساعد وقولتله على حوار الربع درجة
قالى ربع درجة ايه وبتاع قلتله لا احنا اتفاقنا استلمها مسطرة قالى طب غير مساعد
قولتله اهوه راح مغيره ومقصر البيضة اليمين زى ما طلب بتاع الزوايا وقالى قصرتهالك
بزيادة علشان لو عاوز يزود يحط ورد ومترجعليش تانى ..
ولسة المفروض اروح اظبط زوايا تانى واشوف النتيجة
وبتاع الزوايا ظبط ورا وقدام وورا العجل بقى واقف شوية بس لسة قالب
وانا مركزتش فيه لان كان اهتمامى الاكبر ب ادام .. لكن المرة الجاية هركز باذن الله
بالنسبة للراى الاصوب ابيعها ولا اصلحها .. صدقنى مش عارف لانى لسة متكعبل
لحد دلوقتى ومفوقتش ولا العربية فاقت محتاج اتاكد من مقاساتى واظبط موتورى
لو كلو تمام وربنا كرم يبقى اكيد كده صح طبعا .. ويارب ميخيبش ظننا
والسلام ختام .. وبشكرك مرة تانية على زوقك واهتمامك