بص يا فندم المشكلة الخاصة بالدريكسيون تندرج حسب عربيتك اللى قبل الفيرنا لو كان دريكسيونها كهربا يبقى هتلاقى الفيرنا تقيلة شوية وكلمة شوية يعنى حاجة بسيطة لكن الطارة بتلف عادى وسريعة لكن لو انت متعود على البارو الزيت هتلاقى العربية كويسة جدا معاك وباور الفيرنا جميل مش تقيل زى ما حضرتك متخيل من التعليقات حاول تجرب فيرنا تانى غيرك وقارنها باللى عندك ومحدش يقولك لما تلين الباور ملوش دعوة بالتليين ...
المشكلة التانية الرعشة على 120 او اكثر
بص مفيش حد ازعجة الموضوع دا ادى ... سيب الكاوتش زى ما هو متغيروش ودا ميمنعش انة وحش مش حلو وفى احسن منة بمراحل بس سيبة ...المشكلة الاساسية فى الجنوط الحديد اللى فى العربية السودا مصرى والفضى مصرى وكلة مصرى اصلا بينزل فية عيوب صناعة والاربع فرد فيهم رفة فى الصرة وحاجة مش تمام حل الرعشة تغييرهم بالجنوط الاصلى نفس الشكل بالظبط بس كورى من التوكيل اى حد هيدهوملك من برة هيبقوا مصرى وهتخسر فلوسك وبلاش نهائى جنوط اسبور للفيرنا
طبعا الناس كلها هتكدب كلامى وهتقول طب هات اسبور احسن وشكل وحوار بس انت براحتك انا بقولك بلاش اسبور وفى الاعتقاد عندنا فى مصر انى اى جنط حديد خسارة فى الفلوس لاننا بندور على الشكل بس انما جودة ومتانة على حسب طرقنا فى مصر مش هتلاقى حد بيدور على الكلام دا
للتاكد من كلامى روح رصص وقول للراجل الجنوط فيها رفة ولا لاة هيقولك فيها رفة بسيطة وطبعا الاربع فرد مع السرعة هتبان الرعشة مهما رصصت
لينا كلام تانى بعد التجربة والسؤال
