[Payoo]

يللا نركب سوا هي فكرة موجوده في دماغ ناس كتير جدا ولكن ماحدش قدر يفعل الفكره دي في أكتر من نطاق زملائه في العمل أو جيرانه في السكن

وطبعا مزايا الركوب سوا مزايا كتيره جدا جدا وأحسن ملخص لها في الهذا المثال إللي عبرت عنه المجموعه المنفذه للفكرة على الموقع الخاص بها

الموضوع بسيط جدا ويتلخص في الحكاية دى ...

حكاية أحمد وياسين و نركب سواواحد أسمه أحمد وواحد أسمه ياسين. أحمد عنده عربية ، وياسين عنده عربية. أحمد ساكن في 6 أكتوبر وياسين ساكن في 6 أكتوبر أحمد يعمل في البنك الاستثماري في مدينه نصر وياسين يعمل في نفس البنك في مدينه نصر , أحمد وياسين يذهبان إلى العمل يوميا صباحا في نفس الموعد ( من 6 أكتوبر إلى مدينه نصر ) ويعودان كل إلى منزله عصرا في نفس الموعد ( من مدينة نصر إلى 6 أكتوبر ) أحمد يذهب ويعود يوميا بسيارته وياسين يذهب ويعود يوميا بسيارته . أحمد وياسين يعانيان من مشاكل كثيرة بسبب هذا المشوار بسبب الضغط العصبي لقيادة لمسافة طويلة والزحام وتكلفة البنزين واستهلاك السيارة وحرق الدم . وهنا ظهر الحل . ياسين قال لأحمد أيه رأيك نركب سوا . أنا أركب معاك يوم وإنت تركب معايا يوم ؟ أحمد رد على ياسين وقال له فعلا أحسن حل للموضوع ده إن إحنا نركب سوا من يومها جزء كبير من مشاكل ياسين وأحمد أتحلت لما اتفقوا وقالوا يلا نركب سوا . أحمد يوم يقود سيارته ياسين معاه في السيارة يذاكر ويقرا الجرنال ، وياسين في اليوم التالي يقود سيارته وأحمد نايم طول المشوار وهما راجعين مبسوطين وبيوفروا في البنزين .

بصراحة المجموعه دي من الشباب المحترمين قدروا أنهم يعملوا قاعدة بيانات للم شمل الناس إللي من منطقة واحده او في خط سير واحد وقدروا أنهم يخللوا الفكرة فعاله بحق وحقيق

وعشان ما أخدش من وقتكم كتير بدعوكم لزيارة الموقع الخاص بفكرة يلا نركب سوا

http://www.nerkabsawa.com/Home.aspx

وأنا طبعا متأكد من وجود سلبيات للفكرة دي لكن متأكد برضه إننا نقدر نتغلب على السلبيات دي

وياريت نقدر نناقش مزايا وعيوب الفكره عشان نقدر نفيد اكبر عدد ممكن من الناس .... يعني أنا مثلا شايف إن الفكره دي هاترجع العلاقات الإنسانية الجميله إللي كانت بين المصريين وبعضهم زي زمان وشايف إن الواحد ممكن يكتسب أصدقاء جدد وكمان الفكرة دي هاتساعد على إن الواحد يبقى ملتزم اكثر ويتعود يحترم مواعيده مع غيره وكذا وكذا وكذا ..... بصراحة مزايا كتيره جدا للفكرة دي

يارب تعجبكم وياريت نساعد الناس دي على إنتشار فكرتهم اكتر واكتر