[فادى]

المشاركة الأصلية كتبت بواسطة svneleven أولا شكرا جزيلا علي المشاركة و هو ده اللي أنا كنت عاوزة أن احنا نبدأ ندخل في معادلات مش مجرد كلام مرسل. أولا بخصوص التروس أظن أن الترس الأول هو أكبر ترس مش أصغر ترس زي ما حضرتك ذكرت و طبعا الثاني أصغر و هكذا و متفق مع حضرتك أن الأول بيدي عزم أكبر و سرعة أقل و ده من العلاقة البسيطة بتاعة التروس لكن حكاية أنه يدي تسارع أكبر مش عارف. بخصوص السرعة الخطية أظن هي مضروب المحيط (مش القطر) في السرعة الدورانية يعني مثلا لو العجلة بتعمل 100 RPM يبقي هنضرب ال 100في 60 عشان نجيب عدد اللفات في الساعة و بعد كده نضرب الكلام ده في محيط العجلة (بالكيلومتر) و بكده نكون جبنا السرعة الخطية ب كم/س. باقي الكلام عاوز كباية شاي و أرد عليه لكن الكلام بدأ يحلو.

صحيح تماما أعتذر عن الخطأ غير المقصود,
الترس الاول هو الاكبر و الثانى هو الاصغر, لأن عدد التروس فى الترس الاول يكون اكبر و بالتالى يعطى عزما أكبر و سرعة أقل.

بالنسبة للسرعة الخطية هى مضروب نصف القطر بالسرعة الدورانية (rad/s),

v=w*r

لو السرعة الدورانية بالrev/min اى دورة/دقيقة يبقى القطر * PI * السرعة الدورانية. مع مراعاة الوحدات. أو نصف القطر * 2*PI* السرعة الدورانية.

السرعة الخطية تساوى = القطر * 3.14 * السرعة الدورانية.
3.14 هو ثابت PI.