[AbOnOrA]

أنا مش سلفى ولكنى من أشد المؤيدين للسلفيين

ايوه كدة الصراحة راحة كنت هزعل منك اوى لو قولت حاجة غير كدة لانى عارف السلفيين كويس وواضح اوى من كلامك انك (متزعلش منى) معلوماتك سطحية اوى عنهم وعن كل حاجة عموماً وده البلاء اللى اسمة (انصاف المثقفين)

بس انا عايز اقولك حاجتين مهمين

اولاً مفيش حاجة اسمها مؤييد للسلفيين اصلاً ديه كلمة (فارغة) من اى مضمون ومحسسنى انك بتتكلم عن مانشيستر يونايتيد مثلاً ولا برشلونة

السلفية مش نادى كورة ولا حزب سياسى ديه تيار فكرى دينى (تيار يعنى مجموع من مكونات متعددة) و مفيش فكر سلفى واحد يجمع كل التيار السلفى والمنتمين ليه (مش المؤييدين)

وثانياً من حيث الاعتقاد اما انك مؤمن بالعقيدة السلفية (اتباع الكتاب السنة بفهم سلف الأمة) او لاء

انا شخصياً مش فاهم تقصد ايه بمؤيد ديه ممكن يكون ليك مفهوم تانى احب طبعاً تشرحهولنا

انا شخصياً مؤمن (بعقيدة) السلف ودرستها اقتناعاً بيها مش للجدال ولا التنظير ومازلت مؤمن بيها وادين الى الله بمنهج اهل السنة والجماعة

بس انت او عموم التيار النص نص ده (نص فهم فى كل حاجة)
نسيتو ان المنهج اسمة اهل السنة و(الجماعة) مش و(الجماعات)
يعنى مبنى على اجتماع الأمة ووحدة صفها
علشان كدة مأخذى عليهم (الناس النص نص ) من البداية انهم بياخدو اول السطر ويسيبو الباقى وحقيقة فعلهم هو تمزيق الامة وتشتيت صفها واديتك امثلة كتير من واقع الدعوة السلفية لا ينكرها الا جاهل (حفظك الله)


كونك بقى مش عارف او عارف نص نص او اى حاجة المهم انك ميال للناس دية على حساب المعارضين ليهم سياساً فانت حر فى دة بس ده يتسمى اختلاف سياسى لا هو فكرى ولا دينى وميحقش ليك تخوض فى مسائل فكرية او دينية عن ده او ده بغير علم زى ما وضحت من قبل كدة

اخيراً اللى انت فيه ده نموذج وااااااااااااااضح جداً للمصيبة اللى احنا عايشنها
انت مش سلفى بس بتتلكم عن السلفية
وانت مش فاهم ليبرالية ولا اشتراكية ولا اى حاجة وبتتكلم عنها
هو المهم نتكلم وننحاز لاى موقف وخلاص

بالظبط زى ما بنشوف فى الشارع كل يوم تسال واحد عن عنوان يقوم قايلك خش يمين فى شمال وهو مش عارف اصلاً هو فين المهم يفتى وخلاص