بصي يا ستي
الياريس عربيه من تويوتا يعني اعتماديه رهييبه و دي انا ملاحظها بنفسي
عندنا في العيله تلات عربيات و اكتر من خمسه من صحابي شارينها لما شافوها معايا!!!!
شكل العربيه رائع فعلا و احلي شكل شفته من تويوتا بعد الكورولا ال 95
وشها من قدام تستغربي اول ما تشوفيه و تبقي مش عارف توصفيه هل وشها بيضحك ولا مكشر
تحسي انك واقفه قدام الموناليزا كده !!!!!!
و ضهرها برضه شكله لذيذ و فيها روح الشباب
الصالون بقي واااسع جدا و الكراسي مريحه و الكنبه بتاخد تلاته براحتهم لعدم وجود مقب في منتصف السياره
و تابلوه العدادات في المنتصف و وواضح لكن من الكل بيحبه و بالنسبالي انا اتعودت عليه بسرعه
لاني كان معايا تويوتا ايكو في الامارات و كان نفس فكره التابلوه كده
بس الصراحه وضعيه الجلوس فيها غير مريحه بالنسبالي في المشاوير الطويله
لاني بحب قاعده العربيه تبقي في مستوي الارض انما الياريس قعدتها مرتفعه
(يعني انا بحب ركوب اللانسر و السويفت و الكورولا ال 95 بحس انها سبور شويه)
و التابلوه رغم ان فيه كل الزراير بس علشان كبير بحس انه فاضي و دا مش عيب بس انا بنقل كل حاجه من وجه نظري
الموتور اللي فيها هو موتور الكورولا ال 2007
موتور قوي جدا و عنيف بيطلع 85 حصان(موقع الوكيل هنا بيقول 92 بس هما نصابين في دي)
و سحبها رائع يكفي اني وصلت بيها علي الاول ل 60 كم/س !!!!
بس طبعا دا كان لزوم الشد و القرص ومش بعمل كده دايما علشان الموتور ما يتعبش
لكن انا متأكد ان الموتور عمره ما يخذلني لما بشد مع اي عربيه حتي لو موتورها اكبر من موتوري
فيه ناس بتقول علي دهان العربيه ضعيف بس لو كان ضعيف مكنش استحمل سنتين و كل لما بغشلها بترجع شكلها زيرو تاني
الباور بتاعها كهربا و بصراحه ممتع جدا و بيحسسني اني راكب لعبه اطفال من سهوله حركته
و علي الرغم من كده فهو دقيق جدا
اكتر حاجه عجباني فيها هو التقفيل بتاعها ممتاز و ياباني 100%
الفرامل بتاعها معقوله و لو العربيه اتوماتيك حتبقي فيها abs و بكده حتبقي تحفه
دا تقرير بسيط و علي السريع كده عن الياريس بعد تجربه حوالي سنيتن و 30 الف مع عربيتي