[محمدحسن الغالى]

المشاركة الأصلية كتبت بواسطة Felefel Ahmed السلام عليكم لما تختار الجنط خلي بالك من التالي - وزن الجنط الفبريكه يفضل ان الجديد يساويه أو يزيد قليل جدا (من الجنط من جوه هتلاقى الوزن بتاعه) - لا تعتمد علي الشكل فقط يعني لو عجبك شكل النجمه ال 5 أو 8 لازم تكون اصابع النجمه محمله مش منظر علي الفاضى (انت هتمشى بيه في مصر) ديه صوره جنط الفيرنا عندي (من 2008 حتى الأن) مميز ومنظره جامد جدا فى المشي والنجمه محمله - ال 14 أفضل من ال15 علشان الأحساس بكل تفاصيل الطريق مش لزيز - يفضل تركب (رينجات) وديه حلقه من ماده ما بين البلاستيك والكاوتشوك بتركب حولين الكوره ألي طالعه فى وسط الطنبور والجنط بيركب عليها الرينجات بتقلل احساسك بضرضره الطريق (أوعي تجيب الرينجات الحديد , ديه اشتغاله) - لازم قطر الجنط الأصلي بالكاوتش = قطر الجنط بالكاوتش علشان لفه العجله علي الأرض متخلفش السرعه مع عداد السرعه للعربيه يعنى لو الجنط الجديد بالكاوتش قطره أصغر من الفبريكه سرعه السياره هتكون اعلي من سرعه العداد امامك (العربيه سرعه 120 وأنت شايف ادامك علي العداد 105 مثلا) والعكس صحيح

جبته بكام ده ياعمنا شكله حلو والفيرنا دمها خفيف مع الجنوط ديما