اولا يا باشا اشكرك على الموضوع المميز و تعليقاتك الرائعة
بالنسبة ليا
فيات 131 اول مرة اسوق و كنت فاكر السواقة اصعب من كدة
فولفو 244 موديل 1979 الوحش الانوى
هيونداى النترا تسعينات و مصنوعة فى كوريا و ممتازة
فيات سيينا .. ادتنى اكتر من اللى كنت متوقعه منها
فيات 128 نوفا 1996 ماعرفتش اسوقها علشان دواساتها صفيرة و كانت رجلى بتاخد الدواستين مع بعض
داياتسو تيريوس 2001... لذيذة و ناعمة بس محتاجة تتساق بهدوء و طبعا ضيقة
مرسيدس زلمكة 1992 هقول ايه عنها ... المانى
كورولا 2002 تكييف تلاجة و مفيش ثبات بعد 110
فورد فوكس 2004 ممتعة جدا و لذيذة فى سواقتها
كولت تسعينات ... بجد تحفة زئردة و بتجرى و بتغرز حلو قوى .. برده فاقت توقعاتى
بى ام 523 موديل 2006 .. الفخامة كما يجب ان تكون
مرسيدس s350 موديل 2005 .. فعلا سيارة الاحلام.. مافيش بعد كدة كل اللى تتمناههتلاقيه و زيادة
كابريس ltz 2004 موتور جبار و صالون عائلى و اوبشنز كويسة .. من الاخر عربية سباق فى ثوب عائلى
بورش كايين اس 2009 ... ههههههههههه قوة و فخامة و دلع .. تجربة ماتتنسيش ابدا
نيسان صنى 2004 عجبتنى اكتر من الكورولا
جيمس انفوى 2004 طوبة
باجيرو 2004 و بعدها صوت عالى قوى و فى الملفات برطة
هيونداى كوبيه 2005 احساس رياضى ممتاز بس لو الثبات متظبط شوية تبقى تحفة
بى ام 740 موديل 1999 ايه ده .. لما ال 99 كدة امال ال 2010 عاملة ازاى؟؟؟
بى ام 728 موديل 1998 .. ماذا اقول .. بى ام
مرسيدس سى 280 موديل 1998 المرسيدس مرسيدس يا جماعة من اكبر لأصغر عربية منها
انفينتى fx35 موديل 2009 ... فخامة و ابشنز فظيعة بدون متعة قيادة حقيقية
نيسان باثفايندر اداء هايل و انتريور محتاج تعديلات و ضيقة شوية
لانسر كريستالة .. عربية حلوة بالنسبة لسعرها
لانسر بومة 2004 .. سشوار و مركبين له عجل
شيفروليه لومينا 2001 و لومينا 2005 طلقة و سواقتها على سئولية سائقها
ميتسوبيشى جالنت .. لما تكبس لها تعطل
مرسيدس e230 موديل 1997 ... مرسيدس
مرسيدس e320 موديل 1998 ... وحش المرسيدس
والله هما دول اللى فاكرهم دلوقتى
بس اكيد فيه اكتر .. لما افتكر هقوللكم عليهم ان شاء الله
و الف شكر مرة تانية يا شريف باشا على الموضوع المميز