بسم الله الرحمن الرحيم
السلام عليكم ورحمة الله وبركاته
زملائى الأعزاء فى المنتدى الغالى،،،
تحية طيبة من القلب واتمنى ان تكونوا جميعا بخيروصحة وسعادة
النهردة نقلتلكم تجربة مهمة جدا والصراحة أخدت منى وقت ومجهود واتمنى انها تفيدكم وأرجو منكم الدعاء بالصحة والستر
نبدأ الحكاية
من فترة كانت العربية مش بتدور الصبح بسهولة
مع العلم انى كنت معدل نظام الإشعال
والبوجيهات سليمة
وكمان إسبراتير جديد لأن القديم العمود بتاعه مبوش
بعد ما اتأكدت ان كل ده سليم البرجلة فى الموتور برضو لسه بتزيد
طيب يمكن جوان المانيفولد( دخول الهواء للموتور)
المهم غيرت الجوان بتاع المانيفولد وكمان جوان مشترك الشكمان
كل ده وبحاول أدور على السبب الجذرى فى البرجلة
من يومها وجيت أدور الموتور لقيت نفخ فى الردياتير
كأنك بالظبط حاطط فيه كولا وبترج الإزازة جامد ، طبعا مش باينة اوى فى الفديو قبل ما أفك وش السلندر لكن الصراحة الفديو شارح وموضح حاجات كتير
طبعا بعد مافكيت لقيت فتحات المياه فعلا داخلى على غرف الحريق
وخصوصا فى البستم الاول والرابع
صنفرت الوش والبلوك بصنفرة ناعمة
وبإستخدام بلاطة رخام تحت الصنفرة بالظبط كأنها فريزة
اما الفتحات بتاعت الميه أخدت معجون حديد وبعدين فريزة تانى
نضفت الصبابات على اد ما ربنا قدرنى
جبت جوان وش سلندر دوبل وركبته الحمدلله
تحياتى لكارز أدماير ومستر أسترا والمهندس عمرو والأستاذ وائل صلاح
أترككم مع الفيديو :