شوفي طريق فاضي اتعلمي عليه ... و آخر كل مرة خشي شارع زحمة موت ...
الفاضي عشان تتعلمي الغيارات و التحكم في الدركسيون ... و الزحمة عشان تتعلمي التناغم بين الرجلين و بدالات العربية و خصوصا اني شايف انك مانيوالجية من كلامك ... و مفيش حاجة صعبة .... الاحساس النفسي بالمسئولية هو اللي بيهول الموضوع ... بعد كدة و بعد اول خبطة للعربية قلبك هيبقى حديد فشر اجدعها سواق ميكروباظ
... قيادة اي معدة من المعدات بتعتمد على عداد الساعات اللي بتقودي فيها ... عربية طيارة توكتوك كلهم واحد
ولو انتي من سكان شمال او شرق القاهرة انصحك بأنك تسوقي في شارع الخليفة المأمون من تحت كوبري القبة مرورا بوزارة الدفاع لحد ميدان العباسية ... الشارع دة مفتوح في اغلب الاوقات و بعض الاوقات زحمة ... و ميدان العباسية هيخليكي اجباري يبقى عندك ثقة في نفسك من المولد اللي هتشوفيه