رد: ايه الفرق بين نوبيرا 2 ال 1500 و ال 1600 سي سي؟؟
انا جبت الاوروبى ال 1500 خلاص وهى متشابهة مع النوبيرا ال 1600 اللى بتنزل مصر فى كل حاجة عدا
1- الفتيس كهرباء (ميزته انه افضل و نقلاته احسن و عمرة افضل لكن عيبه انه تقريبا مش بيتعمله صيانه هنا .. حتى الفلتر مش بينفع يتغير ولما بيهيس بيتغير على طول و سعره من اول 1000 جنيه لحد 2000 لو هتجيب حاجة اسطورة)
2- الضفيرة بيقولوا فى اختلافات بينها و بين العادية (متهيألى مش معضلة) خصوصا انا برده بتتباع كاملة استيراد عادى
3- الموتور 1500 و بالتالى لو حبيت تسقط شورت بلوك هتجيب ال 1500 وده على فكرة متوفر استيراد اكتر كمان من ال 1600 و سعرة مش هيزيد عن 2000 جنيه برده
4- الموبينة مختلفة ( موجودة استيراد و سعرها مش عارفة)
5- بيقولوا فى حساسات فيها مش موجودة فى ال 1600 المصرى لكن الحساسات دى هى هى بتاعة الاوبترا.
6- البرنامج بتاع الجهاز اللى بيكشف عليها مختلف عن العادية ( و بما ان الاجهزة كلها مستوردة فهيبقى موجود على الجهاز و كل ما فى الموضوع ان الميكانيكى بيختار اوبشن ال 1500 مش ال 1600 )
7- الاوروبى التكييف بتاعها تاتش مش بكر و الكاسيت كبير شرايط و سي دى تشينجر 6 سي دى
و بس خلاص
|