[ام سيف الدين]

السلام عليكم
بصوا ياجماعه انا جبت عربيه من حوالى سنه وشويه واتعلمت السواقه وبقيت الحمدلله بسوق كويس وانا جبت العربيه اصلا عشان اروح بيها الشغل بس من ساعة ماجبتها والدنيا والعه فى وسط البلد وانا شغلى فى وسط البلد ناحية ش محمد محمود وطبعا مابروحش بيها خالص عشان بخاف عليها يجرالها حاجه وهى مركونه وكمان باخد فى المواصلات نص الوقت تقريبا غير التدوير على الركنه وارفها ودلوقتى مابقتش بسوق العربيه خالص ممكن اقعد بالشهرين تلاته ماسوقهاش خالص وحاسه انى رجعت اخاف من السواقه تانى
وبقيت مدايقه اوى يعنى عندى عربيه وكل يوم بتبهدل فى المواصلات ومش عارفه اعمل ايه .
الخلاصه بقى انى بسألكم يعنى هو كل الى عنده عربيه بيروح بيها الشغل ولا بيركنها زى حالاتى ويستعمل المواصلات اصل بصراحه الموضوع ده مضايقنى اوى .