رد: يثارون لتنحى مبارك فى ذكرى سقوطه .
المشاركة الأصلية كتبت بواسطة AbOnOrA
هو ايه اللى صادقة فيما تقول !!!
هو السوفت وير هيكدب ولا احنا بنتبلى عليك !!!
انت داخل فى الموضوع ده بمشاركتين مابينهم 3 ساعات والاتنين بنفس ال IP
وديه مش اول مرة لما بحثنا على باقى المشاركات لقينا موضوعات كتير ليك رادد عليها بالعضوية التانية او العكس
ايه هو بقى اللى تعى جيداً ما اقول
الحالة ديه فيها احتمال واحد ان اتنين اخوات ولا واحد ومراتة ولا شخصين عموماً فى اسرة واحدة ومكان واحد عاملين عضويتين لو ديه الحالة قول واحنا بنحترم ده وعادى خلاص بتحصل ميت مرة
لكن اللى انت بتقولة ده (اللى هو اى كلام اصلاً) ملوش معنى غير انك فعلاً عندك مشكلة محتاجة طبيب نفسى يكشف عليك ويعرف ايه سبب ازدواجية الشخصية اللى انت عايشها ديه وده موضوع تحلة مع نفسك بعيد عننا طبعاً لان احنا هنا مبنحبش الكذب ولا الخداع
عموماً احنا اديناك فرصة للرد وانت اسأت استخدامها للأسف بس مفيش مانع نديك فرصة اخيرة للرد
ربنا يهديك
|
المشاركة الأصلية كتبت بواسطة AbOnOrA
|
المشاركة الأصلية كتبت بواسطة AbOnOrA
|
السلام عليكم ورحمة الله وبركاته
أعتقد كده فعلا فرصة كافية جدا للتفسير والتوضيح
مما لا يدع مجالا للشك أو سوء النية
وياريت كل الأعضاء الكرام المحترمين يحترموا عقلياتنا ويحترموا قوانين المنتدى اللى اعتقد انها ليست مجحفة أو ظالمة ونحترم بعضنا البعض ولا داعى للبس الاقنعة وخداعنا ( علشان عيب) احنا مش ناس صغيرة او غير محترمة
وياريت ده يكون أسلوبنا كلنا فى البلد ( الوضوح والصراحة وعدم لبس الاقنعة ) وكل واحد يتصرف بطبيعته
مش راجل يعمل سيدة والعكس وشخص آخر يدخل بوجهين دى حاجة تخوف وتقلق
أنا دخل طالب عندى لأمتحان العملى بكلية الهندسة وداخل بكارنيه صديقة طبعا علشان يمتحن بدلا منه واكتشفت الموضوع وطردته
وكان ممكن احرمهم الاثنين من الامتحان بس للرأفة فقط أعطيتهم فرصة وإنذار لمنع ذلك مستقبلا
المفروض كلنا نحكم ضمائرنا ونمشى صح
رجاء إخواننا الاعضاء إحترام عقولنا
شكرا إدارة المنتدى على التصرف السليم وإعطاء الفرصة للتوضيح والدفاع واللى اكدت للكل ان الشخصيتين هما شخص واحد لم يحترم عقولنا
__________________
اللهم ياجامع الناس ليوم لا ريب فيه اجمع على ضآلتى
سبحان الله وبحمده سبحان الله العظيم
|