[SAMER_ENGINES]

الحكاية مش انى الحرامى ممكن يعمل او ميعملش انت لو دورت هتلاقى الحرامى ممكن يعمل اى حاجة لانه عادة بيكون ميكانيكى او كهربائى او خلافه ففاهم كويس هو ممكن يعمل ايه عشان يدور العربية، لكن الفكرة انى الواحد يصعب عليه المأمورية بقدر الامكان.
و انا بحط نفسى مكان الحرامى انا لو ماشى فى الشارع بدور على عربية اسرقها و لقيت عربية بدون قفل و بدون انذار و دورتها دارت بسهولة يبقى ايه اللى فاضل عشان اخدها و اجرى انما لما ابقى ماشى و الاقى العربية فيها قفل و انذار و لو اتغلبت عليهم لقيتها مش بتدور مش هفتح الكبوت و افحص العربية و اشوف ايه السبب لانى ببساطة مش صاحب العربية المفروض انى حرامى و صاحب العربية ممكن يجى فى اى لحظة حتى لو قبل الفجر (فرضنا انه مسافر مثلا او لظروف شغله) و الحرامى جبان و مش هيغامر عشان يقعد يفحص و يفتح كبوت و علبة فيوزات و خلافه و بعدين يلاقى حد فى قفاه و ياكل علقة موت او يوم ما ربنا يكرمه يتسلم للبوليس فالفكرة حلوة و المفروض اننا نصعبها على الحرامى بكل الطرق و ربنا هو الحارس بعد كدة.