المشاركة الأصلية كتبت بواسطة Dr. Bolbolan
هههاهها والله أنا مع أبو صلاح ! لآنى من العنوان وبدون قراءة المحتوى ! كنت داخل أقولك
المفروض النداء يكون لآصحاب القلوب غير الرحيمه !
حضرتك ذكرت جزء من كل ! ونسيت المشاركات اللى ليس لها لازمه زى اللى بيعلن عن فستان
زفاف وبالانجليزيه ! واللى بيكتب عربى بحروف انجليزى والواحد بيكافح علشان يعرف يترجم
أولا ويفهم ثانيآ وفى الآخر أى مشاركات زى كده الواحد لا يقرأها وخلاص ! ونسيت الناس اللى
مصممه تعمل اشراف من الباطن وتعطى لنفسها من الحقوق مالا تعطيه للآخرين يعنى نظام حلال
على وحرام على غيرى ! واللى مفكر نفسه خبير فى التحليلات والتلميحات ويدعى القدره على شق
صدور الناس ومعرفة مقصدهم بسبب انه زكى جدآ مع ان ذكائه ممكن يكون أقل من المتوسط !
ونسيت الناس اللى ليس لها مواضيع مكتوبه أو مفيده ولا تدخل الا اذا كان فيه خناقه أو عايز يولع
فى خناقه ! ونسيت اللى عاوز يعمل مؤدب ولما يزعل مع حد يقول له أنا مخاصمك وأنا أجدع من
انى أرد عليك علشان لو رديت عليك ح أقول لك كذا كذا كذا ! ونسيت اللى شغال بطريقة ضربنى
وبكى وسبقنى واشتكى ! ونسيت اللى يرد على تساؤل زميل فى موضوع عن السيارات ويقول له
والله أنا ليس عندى فكره عن الموضوع ده بس الزملاء ممكن يفيدوك ؟ مع ان السائل لم يسأله هو
شخصيآ ده سأل 20000 زميل ! بس أهه مشاركه ولطعة اسم وخلاص ! ونسيت الحاقد والناقد
بدون علم ولا معرفه وكل حجته ( هذا رأيى ) مع ان الرأى يقال مره واحده فقط طالما لا يوجد ما
يسانده من معلومات أو أسانيد أو علم أو دراسه ! ونسيت اللى بيلوم البعض على صداقتهم و محبتهم
ويتهمهم بالانحياز ! و نسى ان الارواح تتلاقى وبالتالى الآفكار بتتفق ! فاذا أحس بعدم الاندماج
بدأ فى العمل ضدهم ونسى أنه هو الجسم الغريب ودائمآ بلغة الطب فان الجسم السليم دائمآ ما يطرد
الجسم الغريب ! آخيرآ وليس آخرآ أضم صوتى للزملاء السابقين وأقول لك " كان الله فى عونك"
Dr. Bolbolan ptmnlo123per122
|
يسلم لسانك يا دكتور والله
كل دى ظواهر سلبية موجودة فعلا
بس احنا لسة فى الدنيا يا دكتور مارحناش الجنة
... ربنا يكتبهالنا جميعا يا رب