المشاركة الأصلية كتبت بواسطة احمد على 1999
كدا بقى بعد ما قريت كتير فى منتدى عربيات فرنساوى من الواضح ان الموضوع طبيعى فى الفرنساوى مش انت لوحدك ههههههههههههههههههههههههه
فى ناس بتقول طبيعى بعد ما تقفل المروحة ممكن تشتغل 6 ثوانى و بحد اقصى 6 دقايق
و فى ناس بتقول ان حتى لو المروحة مشتغلتش بعد ما تطفى او اشتغلت شوية و وقفت .......... لما ترجع تانى تدور العربية حتى لو بعد ربع ساعة مثلا الحرارة تلاقيها عالية و المراوح تشتغل على طول
على فكرة انا اؤكدلك ان فى كل العربيات بعد ما تطفى الماتور الميه بتسخن ازيد من اخر وضع قبل ما تطفى .............. و التفسير ان لما العربية تطفى انت كدا وقفت دورة تقليب الميه و الميه حتقف ................. الميه اللى فى البلوك حتقعد تمتص الحرارة ............ الميه اللى فى الرادياتير صحيح ممكن المروحة لو بتشتغل حبه بعد ما تطفى حتسمح ان الميه فى الرادياتير تبرد شوية ............. بس اللى فى البلوك عمالة تمتص حرارة ............ بمجرد لما تيجى تدور تانى بعد فترة متوسطة ( لا هى قصيرة قوى بحيث ميه البلوك ملحقتش تمتص ......... و لا هى فترة طويلة قوى ان الميه كلها تبدد حرارتها ) لكن السر فى فترة بين البنين
يعنى مثلا فى اللانوس عندى بالرغم ان مستحيل المراوح تشتغل و العربية مطفية ( لان السيستم كدا فى اللانوس ) بس فعلا انا ساعات ببقى متأكد ان العربية مبطلة و المراوح مكنتش دايرة
و اجى ادور بعد فترة ( اللى هى ينطبق عليها فترة اللى بين البنين ديى) الاقى المراوح اشتغلت على طول
فى سر تانى
فى اللانوس و معظم العربيات المتخلفة هما ريحوا دماغهم و عداد الحرارة أنالوج ......... و فوق كدا متعمدين ان العدادات ديى متتحركش فى المارجين الطبيعى .......... يعنى العداد شبه ثابت طالما فى مدى التشغيل الطبيعى
عكس الستروين ان من الواضح ان من كتر صراحته حيسبب قلق للسائق
نسيت اقولك .............. زيادة تاكيد اتاكد ان الهوا متاخد مظبوط و غطا القربة سليم
و انا و الله اعلم شبه متاكد ان عربيتك طبيعية .............. هو بس لو تعرف اصلها ايه لما كانت زيرو يمكن هى كدا فعلا
|
انا متشكر جدا ليد يا أحمد بيه
وانا بفضل الله وصلت لأصل المشكله اخيرا
مشكله انها بتبرد علي السريع انا اشتريت ثرموثتات وغيرتها بنفسي والدنيا ظبطت الحمد لله
بالنسبه لموضوع المروحه الي كان مجنن اههلي بعد ماقريت كتير اوي في موضوع المروحه والكنترول بتاعها ونزلت كتاب عن ال ECU نفسها من شركه بوش ولقيت ان المروحه بتشتغل بناء علي 3 معلومات بتروح لل ECU وهما كالتي
1- درجه حراره الموتور
2-معلومه ان التكييف اشتغل وانه محتاج دورة التبريد تشتغل
3- احتياج زيت الفتيس الأوتو للتبريد
فاقومت اشتريت حساس حرارة جدديد وغيرته بنفسي برده وحطيت ميه وخدت هواء
والدنيا برده زي ماهيا
فضلت ادور هو بياخد معلومه التكييف دي منين لحد مالقيت القصه الي انت كاتبها فوق دي بتاع الضغط في دورة التكييف وعرفت ان المسئول عنها حساس ضغط موجود علي مواسير الفريون عند سربنتينه التكييف
وقومت مجرب والمروحه شغاله والعربيه عماله تبرد فصلت الفيشه بتاع الحساس ده
وكانت الفرحه الكبري بالنسبه ليا ان المروحه وقفت
وسخنت العربيه لحد ماوصلت لل 92 واشتغلت المروحه علي البطيء وفصلت وهكذا وبقالها يومين زي الفل
وبعد كده اخيرا وصلت للتحليل النهائي للمشكله ان حاجة من اتنين يا حساس الضغط ده بايظ فا بيدي معلومه غلط ان ضغط التكييف عالي وعلي الأساس ده بيشغل المروحه
ياأما فعلا انا عندي الضغط بتاع الفريون عالي وده الي هاتأكد منه انشاء الله
اما موضوع ان العربيه لما بشغلها تاني الاقي الحرارة ازيد انا خلاص اقتنعت بالموضوع ده بعد ماقريت برده